Koiné (Spraakwetenschop)

In de hüdige Spraakwetenschop warrt dat Woort Koiné, dat vun de Greeksche Gemeenspraak Koiné herkümmt, ganz allgemeen as Woort för en „Gemeenspraak“ nahmen. En Gemeenspraak oder „Koiné“ is jedeen Dialekt, de sik mank en Gemeenschop vun Spraken un Dialekten as en Standardspraak dörsetten kann, de allerwegens annahmen un verstahn warrt, ok wenn de Dialekten in jem ehr Kuntreien fudderhen snackt weert. En Koiné in düssen Sinn is tomeist eerst mol en Schriftspraak un speelt in offiziellen Dokumenten un ok in de Medien en grode Rull. Eerst later warrt se ok in'n Alldag allerwegens övernahmen un schufft se denn de lokalen Dialekten an'e Kant.

So'n Koiné-Spraken sünd, blangen de Greeksche Uur-Koiné (dor is dat Nee Testament in schreven) de Hoochdüütsche Standardspraak, just as all Standardspraken in de groten Länner, de an de Steed vun de velen verscheden Dialekten treden sünd. Ok bi de Plattdüütsche Spraak sett sik de Noordneddersassische Dialekt, as de besunners bi de Medien bruukt warrt, jummers mehr as en Standardspraak dör. In Indien warrt de Spraak Hindustani as Koiné ankeken.

Kiek ok biÄnnern