Kristian Prestrud
Kristian Prestrud (* 22. Oktober 1881 in de Kommune Vang, Hedmark; † 11. November 1927 in Kristiansand) weer en norweegsch Marineoffizier un Polarforscher, de an Roald Amundsen sien Fram-Expeditschoon van 1910 bit 1912 deelnommen hett.
.jpg)
Leven ännern
Prestrud weer en van de Offiziere vun Amundsen sien Expeditschoon un wurr dorum mit as Eerst Mannschapsliddmaaten in de sien Plaanännern inweeht – nahdem Frederick Cook un Robert Edwin Peary 1909 behaupt harrn, den Noordpool reckt to hemm, geev Amundsen sien oorsprünglichen Plaan up, dat Noordpolarbecken to erforschen un blangenbi to’n Pool to reisen, un hett sück stattdessen up den Weg to den Süüdpool maakt.
Wiels den Winter in Framheim in de Antarktis weer dat Prestrud sien Upgaav, gemeensam mit Hjalmar Johansen wetenschaplich Beobachtungen to maken. Prestrud weer ok Deel van de oorsprünglich Grupp van acht Mannlüüd, de an’n 8. September 1911 en spoodlosen Start in Richt Süüdpool maken dee. Ofschons se wegen de extremen Temperaturen umkehren mussen, hemm se beslooten, bitt o dat Depot up 80° Süüd vörtostööten, um hör Göder aftolaaden, un so gau as mögelk nah Framheim torüchtokehren. Up den ungeordneten Rücktoog full de Grupp immer mehr utnanner un keem so ok in Framheim an, wobi de letzt beid över söss Stünnen nah de annern ankommen dee. Disse beid, Johansen un Prestrud, weer kumplett dör, as se in’t Lager keemen, dat se in Dunkelheit un Nebel ok blots finnen kunnen, indem se dat Bleeken van de Hunnen folgt sünd. Prestrud weer vermootlich doodfroren, wenn Johansen nicht up hüm wacht un hüm hulpen harr, den Rückweg to schaffen.
An‘n nächsten Mörgen wurr Amundsen düchtig vun Johansen kritiseert, de siet sien Expeditschoon mit Fridtjof Nansen Arktiserfohrung harr. De beid kunnen sowieso nicht mitnanner, as Straaf hett Amundsen de Polargrupp nee upstellt, indem he de Antall van de Deelnehmer um dree minnert hett. Johansen, Prestrud un Jørgen Stubberud wurrn also mit de Utforschen vun de Edward-VII-Halfinsel beuptragt. Johansen hett he noch en mitgeeven, indem de jüngere, unerfohrene (aber ranghöhgere) Prestrud dat Kommando kreeg.
Prestrud is Naamsgever in Antarktika för den Mount Prestrud, dat Prestrud Inlet un de Prestrud Bank. He weer verheiraadt un harr twee Kinner.
Literatur ännern
- Roald Amundsen: The South Pole; John Murray, London, 1912 (Band 1 un Band 2)
- Ragnar Kvam: Im Schatten. Berlin Verlag, Berlin 1998, ISBN 3-8270-0321-0.
Weblinks ännern
- Kristian Prestrud (1881–1927). Biografische Informatschonen up de Website vun dat Frammuseum (engelsch)