Krunoslav Hulak (* 25. Mai 1951 in Osijek; † 23. Oktober 2015 in Zagreb[1]) weer en kroaatsch, fröher jugoslaawsch Schachspeler.

Ktunoslav Hulak, Wijk aan Zee 1983

Leven ännern

Krunoslav Hulak kreeg 1974 vun de FIDE den Titel Internatschonaler Meester un 1976 den vun en Grootmeester. He nehm tüschen 1982 un 1996 an söss Schacholympiaden deel un speel je dree för de jugoslaawsch (1982, 1986 un 1990) un för de kroaatsch Mannschap (1992, 1994, 1996)[2], buterdem speel he bi Mannschapseuropameesterschapen 1977, 1980, 1983 un 1989 för de jugoslaawsch Mannschap, bi de Mannschapseuropameesterschapen 1992 un 1997 för de kroaatsch Mannschap. Mit de Mannschap reck he 1983 un 1989 jewiels den tweeten Platz, in de Eenzelwertung reck he 1989 dat beste Eenzelergebnis an dat twee Nrett (tosommen mit Aleksander Wojtkiewicz) as ok de beste Eloleistung vun all Deelnehmer.[3]

In de de Saison 1989/90 speel he in de düütsch Schachbundsliga för den SK Zehlendorf an dat 2. Brett achter Michail Tal, in de öösterrieksch Schachbundsliga speel he van 2007 bit 2010 för Holz Dohr.

An den European Club Cup nehm he 1993 un 1994 mit den HAŠK Mladost-Novogradnja Zagreb, 1996 mit dem ŠK Borovo Vukovar '91, mit den he den tweeten Platz recken dee, un 2000 mit den ŠK Bihac deel.[4]

Sie hööchste Elo-Tall weer 2570, wat he in’ Juli un Oktober 2002 recken dee.

Turniererfolge ännern

  • Warna 1974: 1. Platz
  • Jugoslaawsche Meesterschap 1976: 1. Platz
  • IBM Amsterdam 1977: 2. Platz
  • Banja Luka 1983: 1.-3. Platz mit Speelman un Adorján
  • Zagreb 1985: 2. Platz
  • Wijk aan Zee B-Turnier 1986: 1. Platz
  • Banja Luka 1987: 1.-2. Platz mit Ekström
  • Solin 2000: 2. Platz
  • Kroaatsch Meesterschap 2005: 1. Platz

Weblenken ännern

  Krunoslav Hulak. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern

  1. Tužna vijest za hrvatski šah: Bio je omiljen...
  2. Krunoslav Hulak sien Ergevnisse bi Schacholympiaden up olimpbase.org (engelsch)
  3. Ergevnisse vun Krunoslav Hulak bi Mannschapseuropameesterschapen up olimpbase.org (engelsch)
  4. Krunoslav Hulak sien Ergevnisse bi European Club Cups up olimpbase.org (engelsch)