Kurt Führer
Kurt Führer (* 12. Juni 1888 in’n Kreis Thorn; †) weer en düütschen Verwaltungsbeamten.
Führer is 1888 boren.[1] He hett 1908 dat Abitur maakt un en Studium von de Juristeree anfungen, dat he aver nich afslaten hett.[2] Von April 1915 bet Januar 1918 weer he Supernumerar bi de Regerung in Königsbarg un is 1918 as Börgermeester von de Stadt Landsberg wählt worrn.[1][2] Von’n 2. Mai bet 20. Juni 1920 weer he vertredungswies Landraad von’n Kreis Ragnit, nadem se Hermann Zwicker suspendeert harrn.[1][2] He is an’n 21. Juni 1920 toeerst as Vertreder för Otto Constantin, an’n 9. August denn kommissarsch un an’n 24. Februar 1921 richtig Landraad von’n Kreis Labiau worrn, wat he bet 1927 bleven is.[2] In’n Juli 1927 is he as Regerungsraad na de Regerung in Allenstein gahn.[1][2]