Lüttjepütt oder In Grootvadder sien Hüüs is en plattdüütsch Book von Johann D. Bellmann, dat 1983 in’n Verlag Atelier im Bauernhaus toeerst rutkamen is. Dat Book hett 2005 sien veerte Oplaag hatt.

Dat Book hannelt von’n Buttjer Lüttjepütt, de tohoop mit sien Öllern, sien Grootöllern, mit sien Unkel Hinnerk un mit’n Knecht Maihööper op sien Öllern ehr Buurnhoff leevt. Lüttjepütt is’n neeschierigen lüttjen Keerl, de jümmer allerhand plietsche Fragen an de Grootwussenen hett. Op disse Fragen lett de Schriever de Grootwussenen Antwoorden geven, de jüstso plietsch un faken achtersinnig sünd. Mit dit Mosaik von Fragen un Antwoorden vertellt de Schriever över de Welt un över dat Tohoopleven von de Figurn.

Na dat Book hebbt ok de Lüttjepütt-Pries von de Bemsen-Dagfohrt un de Lüttjepütt-Pries vun de Plattdüütsche Volksgill to Lübeck jemehr Naams kregen.

Översetten ännern

2013 is bi’n Plaggenhauer-Verlag (ISBN 978-3-937949-17-8) en hoochdüütsch Översetten von’n Lüttjepütt rutkamen, översett von Ingrid Bellmann un Jochen Müller-Roselius.