Petén-Itzá-See
De Petén-Itzá-See (spaansch Lago Petén Itzá) is na’n Izabal-See un den Atitlán-See de drüddgröttste See von Guatemala. He liggt in de Midd von dat Departamento Petén op 110 Meter över de See. De See is so wat 32 km lang un 5 km breed, 99 km² groot un bet to 160 m deep. Flores, de Hööftstadt von dat Departamento, liggt op en Eiland dicht bi dat Süüdöver, dat över en Brügg mit de groten Vöröörd San Benito un Santa Elena verbunnen is. De Öörd an’t Över höört to de veer Municipios San Benito, Flores, San Andrés un San José.
| Petén-Itzá-See | |
|---|---|
| Öörd bi’t Meer | Flores |
| Geograafsche Laag | Koordinaten:16° 59′ N, 89° 48′ W16° 59′ N, 89° 48′ W |
| Hööchd | 110 m över de See |
| Fläch | 99 km² |
| Längd | 32 km |
| Breed | 5 km |
| Maximal Deepd | 160 m |
 | |
.jpg)
An dat Noordoost-Över von’n See liggt dat Naturschuulrebeed Cerro Cahui mit en Wildpark. De Petén-Itzá-See is von en poor lüttjere Seen un en Reeg Maya-Ruinen ümgeven, ünner annern Tikal. Von wegen de good utboote Feernstraat na Guatemala-Stadt un den Flegerhaven Flores hett sik de Petén-Itzá-See mit de Stadt Flores in de vergangen Johren to en Touristenoort maakt.
Dat gifft en poor lüttjere Beken, de in’n See münnt, aver keen, de dor rutflütt. Liekers is dat keen Soltsee.
