Lajos Asztalos [IPA|ˈlɒjoʃ ˈɒstɒloʃ] (* 29. Juli 1889 in Pécs; † 1. November 1956 in Budapest) weer en ungaarsch Schachspeler und Schachautor.

Schachkarriere ännern

Bi de ungaarsch Meesterschapen belegg Asztalos in' August 1912 in Temesvár den tweeten Platz achter Breyer. 1913 wurr he denn in Debrecen ungaarsch Meester. Nah den Eersten Weltkrieg leev he bit 1942 in Jugoslawien un hett dit Land bi de Schacholympiaden 1927 in London un 1931 in Prag vertreden.[1] Buterdem speel he 1936 bi de inoffiziell Schacholympiade in München.[2]

1942 is he nah Budapest trucken. 1950 kreeg he vun de FIDE den Titel Internationaler Meester.[3]

Funktschonär ännern

Van 1951 bit to sien Dood hett he de ungaarsch Schachföderatschoon bi de FIDE. He weer ok internatschonal Schiedsrichter vun de FIDE un Vörsitter vun de Qualifikatschonskommission.

Privates ännern

Asztalos studeer in Budapest Philosophie un hett dor ok sien Doktertitel in maakt As Perfesser wark he denn an de Universität Budapest. Nah sien Översiedeln nah Jugoslawien hett he in Sarajevo, Mostar un Zagreb an Middelschoolen Latiensch un Greeksch ünnerricht. Neben Ungaarsch kunn he wieder acht Spraaken snacken.

Asztalos is 1956 an en Gasvergiften storven.

Literatur ännern

  • Dr. Lajos Asztalos, Gedeon Barcza: Botvinnik gyözelme a világbajnoki küzdelemben. A hágai és moszkvai világbajnoki sakkversenyek. Magyar sakkvilág, Keczkemét 1948.
  • Arpád Walter Földeák: Dr. Lajos Asztalos, 1998 (englisch)

Enkeld Nahwiesen ännern

  1. MEN'S CHESS OLYMPIADS - Asztalos, Lajos (Yugoslavia) up Olimpbase (engelsch)
  2. unofficial Chess Olympiad: Munich 1936 - Yugoslavia (YUG) up Olimpbase (engelsch)
  3. Willy Iclicki: FIDE Golden book 1924-2002. Euroadria, Slovenia, 2002, S. 87

Weblenken ännern