Lampione

Lampione (ital. för Lantücht) is de lüttste vun de dree Pelaagschen Eilannen in de Middellannsche See twüschen Tunesien un Sizilien.

Laag in de Middellannsche See

Geograafisch höört dat eiland to Afrika, man politisch warrt Lampione to de Gemeen Lampedusa e Linosa rekent un höört dormit to de Provinz Agrigent in de italieenschen Region Sizilien. Dat Eiland is ruchweg 700 Meter lang un 180 Meter breet. de hööchste Steed liggt bi 40 m över NN.

Lampione is nich bewahnt, dat eenzige Bowark op dat Eiland is en Lüchttoorn. Na en Vertellen schall dat Eiland en Felsbrocken ut de Hand vun de Kyklopen wesen. Dat Deerriek op’t Eiland is wat sünners. Se deent as en Raststeed för vele europääsche Togvagels. Lampione höört dorüm mit to dat Naturschuulrebeet Riserva Marina Isole Pelagie. To de Seefauna tellt ünner annern Haien, Tackenboors, Kreeftdeerten, Langusten un Korallen.