Lasse Weritz (* 30. Mai 1986 in Cuxhoben) is en düütschen Politiker von de CDU. He weer van November 2017 bit November 2022 Afornten in’n Landdag von Neddersassen.

Lasse Weritz, 2018

Leven ännern

Weritz is 1986 as Söhn von Monika un Winfried Weritz in Cuxhoben boren un in Hemmoor opwussen. Na dat Abitur 2006 an de BBS Cuxhoben hett he von 2006 bet 2010 an de Universität Hilmssen Weertschop un Geschicht op Lehramt studeert un sien Referendariat von 2010 bet 2011 an de Realschool Allefelle maakt. Later is he denn wedder na Hemmoor tagen un dor Schoolmeester an de Oostschool worrn.

Weritz is verheiraadt un hett twee Söhns.

Politik ännern

Weritz is mit 15 in de Junge Union rin. He weer dor von 2006 bet 2015 Viez-Kreisvörsitter un 2010 bet 2015 in’n Vörstand von de Junge Union Neddersassen (toletzt Viez-Landsvörsitter).

He is bi de Wahlen 2011 as Afornten in’n Kreisdag von’n Landkreis Cuxhoben intagen un is dor Viez-Frakschoonsvörsitter von de CDU. 2012 hett he den Vörsitt von’n CDU-Samtgemeenverband Hemmoor övernahmen.

Bi de Wahlen 2016 is Weritz in’n Stadtraad von de Stadt Hemmoor intagen un dor glieks to’n Börgermeester wählt worrn. Ok in’n Samtgemeenraad von de Samtgemeen Hemmoor is he wählt worrn.

För de Landdagswahl in Neddersassen an’n 15. Oktober 2017 weer he de Direktkannedaat in’n Landdagswahlkreis Geestland un kunn sik mit 42,98 % von de Eerststimmen dörsetten. Bi de Landdagswahl 2022 is he nich mehr antreeden.

Weblenken ännern