Last Man Standing (1996)
Last Man Standing (op platt so veel as: „De letzte Kerl, de noch steiht“) is de Titel vun en US-amerikaanschen Speelfilm vun den Speelbaas Walter Hill ut dat Johr 1996. In de Hööftrull weer Bruce Willis to sehn. De Film vereent Elementen ut verschedene Genres, so as Thriller, Actionfilm, Western, Gangsterfilm un Filmdrama. Dat is en Neeverfilmen vun Akira Kurosawa sien Yōjimbō oder ok Sergio Leone sien Per un pugno di dollari (dt.: Für eine Handvoll Dollar) un keem an’n 20. September 1996 in de US-amerikaanschen Kinos. In Düütschland weer he to’n eersten mol an’n 31. Oktober 1996 wiest[1][2].
| Filmdaten | |
|---|---|
| Plattdüütsch Titel: | — |
| Originaltitel: | Last Man Standing |
| Düütsch Titel: | Last Man Standing |
| Produkschoonsland: | USA |
| Johr vun’t Rutkamen: | 1996 |
| Läng: | 101 Minuten |
| Originalspraak: | Engelsch Spaansch |
| Öllersfreegaav in Düütschland: | FSK 16 |
| Filmkru | |
| Speelbaas: | Walter Hill |
| Dreihbook: | Walter Hill Akira Kurosawa (Story) Ryuzo Kikushima (Story) |
| Produkschoon: | Arthur Sarkissian Walter Hill |
| Musik: | Ry Cooder |
| Kamera: | Lloyd Ahern II |
| Snitt: | Freeman Davies |
| Szenenbild: | Gary Wissner |
| Kledaasch: | Dan Moore |
| Dorstellers | |
| |
Inholt
ännernDe Revolerheld John Smith hett al betere Tieten sehn. He mutt en tietlang ünnerduken un kummt dorüm in de meist verlatene Lüttstadt Jericho in de Neeg vun de mexikaanschen Grenz. Glieks as he ankummt warrt vun en Koppel vun lütte Verbrekers sien Auto toschannen maakt, blots vunwegen dat he de smucke Mexikanersche Felina ankeken hett. Se is nämlich gegen ehrn Willen de Leefste vun Doyle – een vun de beiden Verbrekerbaasen in de Stadt – de ehr bi’t Pokern wunnen hett. Smith lett sik dat nich beden un betahlt jem dat torüch. Gau markt he, dat in Jericho blots Lüttstadtgansters rümlopen doot un beslutt Profit dorut to tehn. He will de Smuggler-Banden vun Doyle un sien Rivaal Strozzi gegenenanner utspelen un lett sik anhüürn. Mehrmols wesselt he de Sieten un versöcht op disse Oort un Wies mööglichst veel Geld ut de Saak to tehn.
Smith befreet Doyle sien Leefste Felina un schickt ehr torüch na ehr Familie in Mexiko. Dorbi maakt he acht Lüüd an de Siet, lett dat aver so utsehn, as wenn Strozzi sien Lüüd dorachter steken doot. Doyle finnt aver gau rut, dat nich Strozzi, man Smith sülvst de Fro befreet hett. Smith warrt fastsett un foltert. He kann aver utneihn un warrt vun den Sheriff ut de Stadt bröcht. Ünnerwegens warrt se Tügen, as Doyle mit sien Mackers Strozzi tosamen mit sien hele Bande an de Siet maakt, as se sik in en Huus buten de Stadt ophollen doot. De Sheriff verstickt Smith in en olle Kark, woneem he jeedeen Dag Water un Nehrmiddels dör den Saloonbesitter Joe kriggt.
Joe warrt bald aver affungen un sülvst fangen nahmen, as he Smith opsöken will. Smith holt em wedder rut, un so kummt dat to en grote Scheeteree, bi de Smith de Gang vun Doyle doodmaakt. Toletzt kummt dat to en Drapen twüschen Smith, Hickey – Doyle sien rechte Hand – und Doyle sülvst. Wiel Doyle vun Joe ut’n Versteek afknallt warrt, leggt Smith Hickey üm. De Sheriff un Joe sünd opletzt de beiden eenzigen Stadtbewahners, de dat Massaker överleevt. Se verlaat de Geisterstadt Jericho. Un ok Smith maakt sik op’n Weg wieter na Mexiko.
Kritik
ännernDat Lexikon vun’n internatschonalen Film meen to den Actionfilm, dat he, wenn man vun Kurosawa sien Klassiker Yōjimbō] (1960) utgüng, Utbröök vun bretale Gewalt in pseudohistoorsche Kulisse affiern de, ahn dorbi an de Deep vun sien Vörbild rantokamen. De Ümsetten weer ästhestiserend – mehr as anbröcht weer – un lett de zyynsche Instellen vun de Hööftfigur ahn to wullen to’n Charakter vun den Film sülvst warrn[3].
Achtergrund
ännernDe Geschicht in’n Film speelt in’t Johr 1931 to de Tiet vun de amerikaanschen Prohibitschoonstiet. De Banden ut de Vörlaag warrt dorna to Mafia-Familien un de Sweertduellen wannelt sik to spektakuläre Pistolenscheetereen.
De Film is mit en Budget vun ruchweg 67 Millionen US-Dollar dreiht worrn.[4] Entstahn is dat Wark as Co-Produkschoon vun Lone Wolf un New Line Cinema. För sien Rull hett Bruce Willis alleen 16,5 Millionen US-Dollar an Gaasch kregen[1]. Groten Spood harr de Film in de USA liekers nich. In de Kinos hett he blots 18 Millionen US-Dollar inspeelt. Ok weltwiet künn de Film blots 33 Millionen US-Dollar ümsetten, so dat he opletzt en Flop worrn is[4]. Eerst as de Film op DVD rutkamen is, künn he sien hogen Kosten wedder rinholen.
De Dreiharbeiten löpen vun’n 11. September 1995 bit in’n Dezember 1995[4]. De Dreihöörd weern all in de USA, so as in Galisteo in’n Bundsstaat New Mexico, El Paso in Texas oder in de beiden kalifornischen Öörd Santa Clarita un Saugus[5].
Borns
ännern- ↑ a b Achtergrundinformatschonen ut de Internet Movie Database
- ↑ Starttermine ut de Internet Movie Database
- ↑ Filmkritik in’t Lexikon vun’n internatschonalen Film
- ↑ a b c Budget un Inspeelresultaten ut de Internet Movie Database
- ↑ Drehorte laut Internet Movie Database
Weblenken
ännern- Last Man Standing (1996) in de Internet Movie Database (engelsch)
- Kritiken to’n Film op Rotten Tomatoes