Lazăr Edeleanu

Lazăr Edeleanu (* 1. September 1861 in Bukarest; † 7. April 1941 ok dor) weer en rumäänsch Chemiker.

Leven un WarkÄnnern

Edeleanu stamm ut en jöödsch Familie. He hett van 1883 bit 1887 an de Universität Berlin studeert un ünner August Wilhelm von Hofmann mit en Arbeit to de Eerstsynthese van dat Amphetamin[1], de hüm an' 18. Januar 1887 gelung, sien Doktertitel maakt. Wiel de psychotrope Aktivität van dat Amphetamin eerst in de 1920er Johren opdeckt wurr, hett man dissen Fund tonächst kien groot Upmarksomkeit schunken.

Gau Bedüüden kreegen dorgegen wiedere Opdecken, as sien Schwefeldioxid-Extraktschoonperzess, de den Grundsteen för de 1910 vun Edeleanu grünnd "Allgemeine Gesellschaft für Chemische Industrie" legg. 1930 wurr de Firma wegen de stiegen Bekanntheit van den Naam "Edeleanu" umnömmt in Edeleanu GmbH. 1937 wurr de Firma van de Deutschen Erdöl-AG upköfft, hett denn mehrmals den Besitter wesselt un wurr sluutend in dat Johr 2002 van de ThyssenKrupp Uhde GmbH ünner Utsluss van den Leipziger Firmendeel upköfft. Binnerhalv van de Sellschop stellt se nu den Beriek Raffinerietechnik. Bit in de hüdige Tiet is dat Karngeschäft de Entschwefelung un Raffinierung bleven. De Leipziger Firmendeel gung ünner Verlust van de Naam Edeleanu as EDL Anlagenbau Gesellschaft mbH an de Pörner-Gruppe in Wien.

LiteraturÄnnern

  • Ernst Terres: Edeleanu, Lazar. In: Neue Deutsche Biographie (NDB). Band 4, Duncker & Humblot, Berlin 1959, ISBN 3-428-00185-0, S. 307 f. (Digitalisat).

WeblenkenÄnnern

Enkeld NahwiesenÄnnern

  1. Lazăr Edeleano: Über einige Derivate der Phenylmethacrylsäure und der Phenylisobuttersäure. In: Berichte der Deutschen chemischen Gesellschaft zu Berlin; 20. Jg. (1887), Band 3, S. 616–622.