Leah Jean Poulos (* 5. Oktober 1951 in Berwyn, Illinois, USA) is en ehmalge US-amerikaansch Iesflinklöperin.

Leah Poulos weer besünners in’ Sprint spoodriek un wunn all 1970 bi de Sprint-Weltmeesterschapen en Sülvermedaille över de 500 Meter. Bi de Olympisch Winterspelen 1972 is se över 1500 un 3000 Meter antreden, ahn aber en Medaille to winnen. 1974 wurr se denn Sprintweltmeesterin.

Bi de Olympisch Winterspelen 1976 in Innsbruck keem se över 1500 Meter up den 6. Platz, över 500 Meter up den 4. Platz un wunn denn över 1000 Meter de Sülvermedaille. Bi de Sprint-Weltmeesterschapen in dat glieker Johr wunn se denn noch en Sülvermedaille achter Sheila Young. In dat Johr drup keem se bi de glieker Veranstaltung weer up den tweeten Platz, dit mal achter Sylvia Burka. In dat glieker Johr hett se den US-Iesflinklöper Peter Mueller heiraadt un is (vörövergahnd) vun den aktiven Sport torüchtreden. De Ehe is laterhenn schett wurrn.

Aber all weer 1979 ia Poulos-Mueller, as se nu heeten de, wedder antreden un wurr glieks Sprint-Weltmeesterin. 1980 wurr se noch mal Viezweltmeesterin un bi de denn folgend Olympisch Winterspelen in Lake Placid kunn se över 500 Meter un 1000 Meter nochmals en Sülvermedaille winnen.

Kiek ok ännern

Weblenken ännern