Lehnwoort

Een Lehnwoort is een Woort, dat ut een annere Spraak entlehnt is. De Ünnerscheed to'n Frömdwoort is, dat dat Lehnwoort nich lieks as een frömden Woort künnig ward. Lehnwöör sünd tomest vör teemlich langer Tied ut een anner Spraak övernommen un sünd mit de Tied assimileert worn. Een Bispeel is dat Woort Klenner in't Plattdüütsche, dat kummt vun dat latinsche Woort Calendae oder Finster, wat vun latinsch fenestra kummt. Een vun de öllsten Lehnwöör ut dat Latinsche is de Kaiser, wat vun de Naam Caesar kummt, wat de eerste Kaiser vun't Römsche Riek ween is.