Gemeen Leendaal

Leendaal (ok Lelendaal, hoochdüütsch Lilienthal) is ene Gemeen in dat Bundsland Neddersassen in Düütschland. Se liggt in den Landkreis Oosterholt un hett 20.293 Inwahners (Stand 31. Dezember 2023) op en Rebeet vun 72,08 km².

Wapen/Flagg	Koort
Basisdaten
Landkreis: Oosterholt Bundsland: Neddersassen
Flach:	72,08 km²
Inwahners:	20.293 (31. Dezember 2023)
Postleettall:	28865
Vörwahl:	04298
Geograafsche Laag:	53° 9′ N, 8° 54′ O
Grenzen bi OSM:	423195
Gemeenslötel:	03 3 56 005
Börgermeester:	Kristian Willem Tangermann
Websteed:	www.lilienthal.de
Koort Kreis Laag von de Gemeen Gemeen Leendaal in’n Landkreis Oosterholt (Koort lett sik anklicken)

To de Gemeen höört de Öörd Butendiek, Falkenbarg, Feldhusen, Heidbarg, Kloostermoor, Leendaal, Seebargen, Sankt Jürgen (mit de Öörd Frankenborg, Höftdiek, Lüttmoor, Millbüern, Moorhusen, Nedderenn, Öberenn, Sankt Jürgen, Veerhusen, Wührn), Truup, Truperdiek, Trupermoor un Worphusen (mit de Öörd Lüningsee (1763), Lüninghusen (1764), Westerweed (1764), Moorenn (1778), Mooringen (1778), Schrötersdörp (1805) un Nee Mooringen (1808), de sünd all bi de Moorkolonisatschoon vun Findörp nee anleggt worrn).

Geografie

De Navergemenen sünd Hu’e in’n Westen, Oosterholt-Scharmbeek in’n Noordwesten, Worpsweed in’n Noorden, Grasbarg in’n Oosten un Otterbarg in’n Süüdoosten. In’n Süden liggt de Stadt Bremen mit de Stadtdelen Borgfeld un Blockland.

Historie

De Gemeen Leendaal is an’n 1. Oktober 1937 billt worrn, as de Gemenen Falkenbarg, Leendaal, Moorhusen, Trupermoor un Truup tohoopslaten worrn sünd.

Mit de Gemeenreform in Neddersassen an’n 1. März 1974 sünd tosätzlich noch de Gemenen Heidbarg (blots de Oort Heidbarg, de Oort Grasdörp in de Gemeen Heidbarg is in de Gemeen Grasbarg wesselt), Seebargen, Sankt Jürgen un Worphusen Deel von de Gemeen Leendaal worrn.

Dat Raadhuus von de Gemeen Leendaal weer von 1937 bet 1977 in dat Amtshuus von dat fröhere Amt Leendaal ünnerbrocht. Na en Botied von annerthalv Johr kunn an’n 27. Oktober 1977 dat ne’e Raadhuus inwieht warrn.

Politik

Börgermeesters

Tied	Naam	Partei
–1945	Diedrich Murken
1945	Heinrich Warnken
August 1945–1946	Johann Meyerdierks
23. September 1946–1949	Friedrich Neuling
19. Dezember 1949–1956	Diedrich Murken
1956–1964	Hinrich Winters
1964–1968	Georg Bellmann
1968–1972	Heinrich Viebrock
1972–1974	Peter Sonnenschein
1974–1990	Friedrich-Wilhelm Raasch	CDU
9. Januar 1990–18. November 1991	Karl-Heinz Sammy
1991–1996	Wilhelm Wesselhöft
1996–2004	Monica Röhr	CDU
2004–31. Oktober 2016	Willy Hollatz	Gröne
1. November 2016–	Kristian Willem Tangermann	CDU

Gemeendirekters

Tied	Naam
1974–1986	Wilhelm Otten
1986–2004	Detlef Stormer

Partnerschoppen

De Gemeen hett en Partnerschop mit Stadskanaal in de Nedderlannen (siet 30. Januar 1971). De Partnerschop mit Émerainville in Frankriek is 1993 slaten worrn, 2010 aver toenn gahn, von wegen dat de Aktivitäten ganz toslapen weren.

Ehrenbörgers

Leendaal hett betherto 13 Ehrenbörgers.

• 27. August 1957: Diedrich Murken (* 27. August 1877; † 29. Juli 1972): Börgermeester von de Gemeen Leendaal von 1952 bet 1965
• 15. Juli 1969: Georg Bellmann (* 28. Januar 1898; † 23. April 1971): Börgermeester von de Gemeen Leendaal von 1964 bet 1968
• 24. April 1972: Hinrich Winters (* 25. April 1898; † 21. Juli 1978): Börgermeester von de Gemeen Leendaal von 1956 bet 1964, meist 5 Johrteihnten Raadsarbeid in Truup un Leendaal
• 26. Oktober 1976: Heinrich Viebrock (* 19. März 1905; † 5. Juli 1981): Börgermeester von de Gemeen Leendaal von 1968 bet 1972
• 22. Februar 1977: Friedrich Schmuch (* 5. September 1907; † 11. April 1977): 25 Johr Raadsherr
• 22. November 1986: Diedrich Kück (* 30. Mai 1910; † 15. November 1994): Börgermeester un Gemeendirekter in Worphusen, Viez-Börgermeester in Leendaal von 1974 bet 1986, 35 Johr Raadsarbeid in Leendaal un Worphusen
• 22. November 1986: Peter Sonnenschein (* 3. Juni 1914; † 15. November 1986): Börgermeester von de Gemeen Leendaal von 1972 bet 1974; 25 Johr Raadsarbeid, Ehrenbörgerrecht posthum
• 3. März 1994: Frieda (* 10. September 1905; † 5. April 1995) un Otto Zimmermann (* 3. März 1904; † 11. November 1995): besünnere soziale Ünnerstützung von de Börgers / 30 Johr Warken as Ünnernehmer un sozial engageerten Börger
• 14. Januar 2001: Herbert Meyer (* 14. Februar 1939): Bundstrainer von de Düütsche Natschonalequipe von de Springrieders, mehrmaals olympisch Gold un Winner bi EM un WM. Besünnere Verdeensten üm den Riedsport un för de Gemeen Leendaal.
• 1. Juli 2005: Heinz Lemmermann (* 18. August 1930; † 6. Juni 2007): Musikpädagoog, Kumponist, Schriever, Rezitator un Baadschopper von de Gemeen Leendaal. Warken un Wark veel natschonal un internatschonal röhmt.
• 1. Juli 2005: Conrad Naber (* 1. Juli 1922; † 29. Januar 2018): Ünnernehmer mit sozial Verantwortungsbewusstsien, Förderer in kulturelle, wetenschopliche un sozialpolitische Saken
• 9. Oktober 2005: Wilhelm Dehlwes (* 30. Juli 1910; † 16. Juli 2006): Grote Verdeensten üm de Pleeg von Heimatforschung un de Rutgaav von Heimatliteratur, Opbo von en Heimatarchiv

Weertschop un Infrastruktur

De Hauptoord Leendaal gellt na dat Regionale Ruumordnungsprogramm as Grundzentrum för de Öörd in de Ümgegend.

Weblenken

• Websteed vun de Gemeen (hoochdüütsch)
• onafhankelijke Websteed (hoochdüütsch)

Städer un Gemenen in den Landkreis Oosterholt

Ax | Grasbarg | Hambargen | Holste | Leendaal | Lübbs | Oosterholt-Scharmbeek | Hu’e | Swonewebel | Vollerso | Worpsweed