Lempenhaben
Lempenhaben, ok: Lemkenhaven (düütsch: Lemkenhafen), is een Fischer- un Habendörp op de Insel Fehmarn un en Stadtdeel vun de Stadt Fehmarn in den Kreis Oostholsteen in Sleswig-Holsteen.
- Grött: ca. 135 ha.
- Inwahners: ca. 250 (2006)
- Auto-Kennteken: OH (Oost-Holsteen)
- Telefonvörwahl: 04372
- Laag: Achter de Fehmarnsundbrüch geit dat glieks de örste Utfohrt rut, wieder na Landkarken und denn na links öwer Lempendörp na Lempenhaben. De Streck is utschillert, een kann sick nich verbiestern.
Geschicht ännern
Dat Dörp weer toörst een Dochtersiedlung vun dat Buerndörp Lempendörp (hoochdüütsch: Lämmchen-Dorf). In de Tied vun de enge Verbindung twischen Fehmarn un de Hansestadt Lübeck hett sick Lempenhaben vun een lütten Fischersiedlung to een bedüdend Haben entwickelt. Vun 1462 bit 1510 harr Lempenhaben dat Lübsche Stadtrecht mit eegen Börgermeester un Stadtsiegel. In düsse Tied hebbt de rieksten Lüüd op Fehmarn hier wahnt. 1784 geeft dat in Lempenhaben 18 Kornspieker, de sogenannte Dinns. In dat 19. Johrhünnert güng dat bargaf mit de Dörp. De Haben weer to flach för grote Schipp.
Windmöhl ännern
De Windmöhl "Jachen Flünk" in Lempenhaben is 1787 von de Kornhändler und Schippreeder Joachim Rahlff buut woren. In de sog. Schillingsmöhl hebbt se Gassen und Weeten tu Grütt un Gruben maakt. In dat Johr 1900 hebbt in de Möhl 5 bit 6 Gesellen un Topleger arbeid. De Möhl is 1954 stillleggt worrn. Hüüt hett de Verein zur Sammlung Fehmarnscher Altertümer dor dat :
Möhlenmuseum
Möhlenweg 56
23769 Lempenhaben op Fehmarn