Lena Falkenhagen
Lena Falkenhagen (* 1973 in Celle) is en düütsche Roman- un Speleschrieversche, Lektorin un Översettersche. Se schrifft histoorsche Romanen un Fantasy-Böker.
Leven
ännernFalkenhagen is in Celle opwossen. Se hett Germanistik un Anglistik studeert. Ehrn eersten Roman hett se 1996 bi’n Wilhelm Heyne Verlag publizeert. Blangen dat Schrieven vun Romanen hett se ok as Översettersche, Lektorin un Schrieversche för Produkten ut de Hüüs Amigo Spiel + Freizeit, Fantasy Productions, Feder & Schwert un Pegasus Press arbeit.
Över lange Johren weer Falkenhagen Liddmaat vun de Redakschoon vun’t gröttste Fantasy-Rullenspeel Das schwarze Auge un hett för dat Speelsystem an mehr as twee Dutzen Produkschonen mitarbeit.[1]
Aktuell befaat se sik mit dat Schrieven vun histoorsche un fantastische Romanen as ok Kortgeschichten. En zentralen Punkt in ehr Wark stellt de düsteren Sieten vun ehr Hööftfiguren dor, un jemehr Kamp üm jemehrn Platz in de Sellschop. Ehr eerste histoorsche Roman keem 2008 ünner den Titel Das Mädchen und der Schwarze Tod rut un speelt in Lübeck vör den Achtergrund vun de Pest. För ehrn tweeten histoorschen Roman, de 12009 mit den Titel Die Lichtermagd publizeert worrn is, is se mit den DeLiA-Literaturpries för den „besten düütschspraakigen Leevroman vun’t Johr“ uttekent worrn.[2] 2019 is se as Vörsittersche vun’n Verband von düütsche Schrieverschen un Schrievers köört worrn.
Falkenhagen is Liddmaat in’n Schrieverkrink Histoorsch Roman Quo Vadis.
Wark
ännern- Histoorsche Romanen
- Das Mädchen und der Schwarze Tod (2008), ISBN 3-453-40562-5
- Die Lichtermagd (2009), ISBN 3-453-40568-4
- Die Schicksalsleserin (2010), ISBN 3-453-47103-0
- Die letzte Hanseatin (2013), ISBN 978-3-453-47102-3
- Annere Romanen
- Justifiers: Undercover (2011), ISBN 3-453-52717-8
- fröhe Romanen för’t Rullenspeel Das schwarze Auge
- Schlange und Schwert (1996), ISBN 3-453-11938-X
- Die Boroninsel (1997), ISBN 3-453-12684-X
- Kinder der Nacht (1997), ISBN 3-453-12699-8
- Die Nebelgeister (1999), ISBN 3-453-15634-X
Bito hett Falkenhagen an verschedene Spelepublikatschonen vun Das schwarze Auge mitschreven un en Reeg vun Aventüer-Modulen vun dat Rullenspeel-System verfaat.