Leonhard Rausch
Leonhard Rausch (* 5. Februar 1813 in Jülich; † 19. April 1895 in Düsseldörp) weer en düütsch Landschapsmaler un Koppersteker vun de Romantik.
Leven un Wirken
ännernRausch weer Früend un Schöler vun den söss Johr ölleren Johann Wilhelm Schirmer, de as he ut Jülich stamm, un wurrd to de Düsseldörper Malerschool tellt. 1829/30 studeer he an de Düsseldörper Kunstakademie un denn nochmals 1840/41.
Sien Themen weern de Landschap vun sien Heimat, klassisch Landschapen mit biblisch Motiven as ok Alpenlandschapen.
In Aken wurr Rausch in den veertiger Johren bekannt dör en Reeg vun Stahlsteeken, up de he bedüüdend historsch Akener Plätze un Hüüs afbillen dee.
Vun dat Radeeren keem he bald weer af, wiel dat Ätzen vun de Plaaten nich good för sien Oogen weer. He weer vun sien Grünnen 1848 an bit 1870 Liddmaat vun den Künstlervereen Malkasten.
Rausch hett tallriek Reisen maakt, besünners in de Alpenregionen, wo he vör allen in de Swiez un in Tirol de Motive för en Grootdeel vun sien Öölgemälde funn. Tüschen 1843 un 1890 weer he mit sien Biller ünner annern 17-mal up de Kunst- un Gemäldeutstellung vun den Kunstvereen to Bremen vertreeden. He is ok nah Frankriek reist un stell in Besançon as ok Antwerpen ut.
De ok as Kunstkritiker bekannte Wolfgang Müller von Königswinter hett Rausch för sien naturalistische Landschapsmaleree rühmt, de sück besünners dör Flietigkeit un Natuurtrüe vun de Dorstellen utteeken dee.
En vun sien Enkelinnen hett Wilhelm Schreuer heiraadt.
Warken (Utwahl)
ännern- De Akener Dom, in‘ Rand Wulf, Artischocke, Evangelienstuhl, Kaiserstuhl, Kronlüüchter un de dorünner befindliche Denkplaat, o. J.
- De Elisenbrunnen, in‘ Rand de Therme un de Büste vun de Königin Elisabeth, 1842
- De Lousberg, in‘ Rand de Salvatorkark, de Sage vun dat Entstahn vun den Lousberg (Düüwel un Buernwief) un Ansicht vun Aken, 1842
- De Frankenborg, in‘ Rand de Slotttoorns, Sage vun den Ring vun de Fastrada, 1842
- Drimborn, in‘ Rand de in dat Wäldchen befindlichen Ollerdömer, 1842
- Emmaborg, in‘ Rand de Sage vun Eginhard un Emma, 1842
- Burtscheid, in‘ Rand de Burtscheider Viadukt, de Michaels- un Abteikark, de Kurgorden, 1843
- Eiger un Mönk in de Swiez, Ööl up Lienwand, 1852
- Felsenkark in dat Luxemborger Land, Ööl up Lienwand 65x85 cm, o.J.
- Romantische Waldlandschap, 118,5x165 cm, o.J.
- Tellskapelle an den Vierwaldstätter See, Ööl up Lienwand, 1863
- Interlaken, Ööl up Lienwand, 1861
- Blick up Soltborg, Ööl up Lienwand, o. J.
- De Hohe Göll bi Berchtesgaden, Ööl up Lienwand, 97x127 cm
- Rückkehr vun de Bargweed, Ööl up Lienwand, o. J.
- Groot Alpenpanorama mit Kochelsee, Ööl up Lienwand, 82x127 cm, o. J.
- Der Sustengletscher, Ööl up Lienwand, 1892
Literatur un Borns
ännern- J. Fey: Zur Geschichte Aachener Maler des 19. Jahrhunderts. In: Aus Aachens Vorzeit. Mitteilungen des Vereins für Kunde der Aachener Vorzeit. Teihnt Jahrgang 1897, Nr. 4/8. S.80/81. google-online
- Hanna Eggerath: Rausch & Romantik - der Maler Leonhard Rausch, Broschüre to de Utstellen in dat Stadtgeschichtlich Museum Jülich 3. April – 9. Juni 1996, Kulturhaus am Hexenturm. Konzeptschoon un Text: Hanna Eggerath. Red.: Marcell Perse, Stadtgeschichtliches Museum, Jülich, 1996
- Hanna Eggerath: Rausch, Leonhard (Leonard) in: Lexikon der Düsseldorfer Malerschule 1819–1918, Bd. 3, Nabert-Zwecker, München, 1998, S. 126–128