Leopold Hofmann (Komponist)

Leopold Hofmann (* 14. August 1738 in Wien; † 17. März 1793 ok dor) weer en öösterrieksch Komponist vun de Wiener Klassik.

Hofmann weer Schöler u. a. vun Georg Christoph Wagenseil. He weer tiedlevens in sien Geburtsstadt as Musiker un Lehrer tätig un gull to sien Tiet as bedüüdend Komponist un man hett hüm up en Stuuf mit Haydn, Gluck un anner bekannt Komponisten. Intüschen wurrd sien Bedüüden aber nich mehr so hooch ansehn.

Sien bekanntst Wark is en vun sien Flötenkonzerte in D-Dur, dat man irrtümlich Joseph Haydn toschreven hett. Dorneben sünd u. a. acht wiedere Flötenkonzerte, Konzerte för Oboe un Violine as ok veer Cellokonzerte un fiev Symphonien vun hüm erhollen.

Hofmann weer bit to sien Dood Domkapellmeester an de Stephansdom. An’ 9. Mai 1791 wurr hüm Wolfgang Amadeus Mozart as Adjunkt an de Siet stellt. Nah de sien Dood wurr Johann Georg Albrechtsberger Nahfolger as Kapellmeester-Adjunkt an’t Stephansdom. Nah de Dood vun Leopold Hofmann 1793 wurr Albrechtsberger sülvst Domkapellmeester un bleev dat bit 1809.

Weblenken

• Hoffmann in de Katalog vun de Deutsche Nationalbibliothek

Literatur

• Kreiner, Viktor: Leopold Hofmann als Sinfoniker (1738-1793). Doktorarbeit Universität Wien, 1958.