Leopold van Asten
Leopold Leonardus Petronella van Asten (* 19. Oktober 1976 in Venray, Limburg) is en nedderlannsch Springrieder.
Werdegang ännern
As Söhn vun peerbegeistert Öllern fung van Asten in dat Öller vun fiev Johren mit dat Rieiden an. Wiels sien Ponytiet is he dreemal bi Europameesterschapen an den Start gahn. Nah sien Schoolafsluss hett he sück endgültig mit de Riederee befaat un harr kört dornah ok all eersten internatschonalen Spood (ünner annern Platz 3 bi den Grooten Pries vun Tokio). 1999 is he dat eerste Mal in' Natschonenpries reeden. 2003 wunn he de nedderlannsch Meesterschap.
2004 is he bi de Olympisch Spelen in Athen an den Start gahn un keem in den Eenzelwettbewarf up Platz 30. Mit dat nedderlannsch Team keem he up den veerten Platz.
2005 wunn he mit Think Twice II den Grooten Pries bi dat CHI Donaueschingen. 2009 wunn he den Grooten Pries vun Estoril, en Deelspringen vun de Global Champions Tour.[1]
Van Asten leevt in Eindhoven un traineert bi Henk Nooren.
Peer (Uttoog) ännern
- Fleche Rouge, siet 2003
- VDL Groep Think Twice (*1992), Holsteener, Stute
- VDL Groep Glory (ehmals: Glory of Dance) (*1997), bruun Oldenburger-Stute, Vader: Grandeur
- VDL Groep Juke Box (*1997), Selle Français, Fuchs, Wallach, Vader: Pacha des Sevres, Modervader: Misti
- VDL Groep Quinara (*2000), bruun Holsteener-Stute, Vader: Quinar, Modervader: Carthago
- VDL Groep Santana B (*1999), Stute