Leymah Gbowee
Leymah Roberta Gbowee (* 1. Februar 1972 in Monrovia) is en Börgerrechtlerin un Politikerin ut Liberia.[1] 2011 kreeg se den Fredensnobelpries.[2]
Leven
ännernLeymah Roberta Gbowee hett hör Kindheit in dat Landsbinnere verbrocht un kehr mit 17 Johr in de Hööftstadt torüch, as Börgerkrieg dor dat Land erschüttern dee. Leymah Gbowee hett toeerst as Streetworkerin arbeit, um de traumatiseert Kinner un Jöögd to helpen.[3]
Van September 1995 bit März 1996 weer se as Beraderin un Sachbearbeiterin vun dat Gesundheitsministerium in en Inrichten för Börgerkriegsflüchtlinge tätig. Tüschen Dezember 2001 un Dezember 2005 wurr Leymah Gbowee Programm-Koordinatorin bi „Women in Peacebuilding“ (WANEP). 2002 hett se de Grünnen vun de Bewegen Women of Liberia Mass Action for Peace organiseert. Disse Aktschoon fung mit apenlich Beden un Protestsingeree up de Marktplatzen vun de Hööftstadt an. De Aktschonen weern en gewaltfree Protestform vun de Moders un Fruen, se funnen groot Akzeptanz in de Bevölkerung un harrn all nah kört Tiet en starken Toloop. As gemeensam Erkennensmarkmal drogen de Deelnehmerinnen witt Kleedasch – Teken vun de Reinheit un den Freedenswillen. De Aktschonen hebbt sück gegen de chaotisch un brutaal Övergreep vun de Kombattanten un hebbt hebbt de ok de Taylor-Regeeren anprangert.[3] Upsehn hett ok hör Uproop an de liberiaansch Fruen to'n „Sex-Streik“ kreegen– en modern Variante vun dat antik Lysistrata-Thema, wo de Mannlüüd dör permanent Sex-Enttoog to en pazifistischen Politik dwungen wurrn. .
Tüschen Februar 2004 un Oktober 2005 weer se designeert Liddmaat vun de Kommission för Wohrheit un Versöhnung vun Liberia. Van Juni 2006 bit Mai 2007 wurr se regionaal Beraderin vun dat Women Peace and Security Network Africa (WIPSEN-Afrika) un wurr in' Juli 2007 to'n Executive Director ernannt.[1]
Leymah Roberta Gbowee hett en Master-Afsluss vun de Eastern Mennonite University in Harrisonburg (Virginia).[4]
För hör gewaltfreen Kamp för de Sekerheit vun Fruen un Fruenrechte kreeg se 2011 gemeensom mit hör Landsfru Ellen Johnson Sirleaf un de Jemenitin Tawakkul Karman den Fredensnobelpreis.[2]. Dorför harr se all verscheeden anner Ehren kreegen.
Literatur
ännern- Hawa Noor Mohammed, Women and Peace Building: Does Training and Empowerment make Women better builders?, Book on Demand, Grin-Verlag, Norderstedt, 2009, ISBN=978-3-640-55550-5}}
Weblenken
ännern
- Leymah Gbowee in de Internet Movie Database (engelsch)
- Bill Moyers Journal van' 19. Juni 2009 archiveert bi Public Affairs Television, Videobericht un Interview (engelsch)
- The Colbert Report vom 14. Juli 2009, Colbert Nation Television to'n „liberianischen Sex-Streik“ – deelwies satirisch Inholt (engelsch)
- Tamasin Ford: Leymah Gbowee – profile The Guardian, 7. Oktober 2011 (engelsch)
Enkeld Nahwiesen
ännern- ↑ a b http://www.arapacisinitiative.org/it/il-consiglio/8-membro-del-consiglio/67-leymah-roberta-gbowee, Leymah Roberta Gbowee, Websteed vun de Ara Pacis Initiative, Togreep 4. Januar 2011 (italieensch)
- ↑ a b The Nobel Peace Prize 2011: Ellen Johnson Sirleaf, Leymah Gbowee, Tawakkul Karman bi nobelprize.org, 7. Oktober 2011 (afroopen an' 7. Oktober 2011).
- ↑ a b Center for American Progress, http://www.americanprogress.org/events/2008/11/inf/GboweeLeymah.html, (engelsch), Togreep Februar 2011
- ↑ http://www.peaceprizeforum.org/gbowee_biography.html, Striving for Peace (Leymah Gbowee Biography), 2011 Nobel Peace Prize Forum des Luther College, Decorah (IA), Togreep an' 4. Januar 2011 (engelsch)