List vun de Königinnen un Königen vun Grootbritannien

In de List vun de Königinnen un Königen vun Grootbritannien sünd all Böverste vun Grootbritannien siet den Wegfall vun de Personalunion vun’t Königriek England un Schottland un den Beginn vun de Realunion mit den Naam „Königriek Grootbritannien“ dör den Act of Union in’t Johr 1707 bet hüüt.

Huus Stuart

Bild	Naam (Leevdaten)	Regerenstiet	Verwandtschap	Henwies
	Anne (* 16. Februar 1665; † 12. August 1714)	1707–1714	Dochter vun Jakob II./VII. vun England-Schottland	Siet 1702 Königin vun England, Schottland un Irland. Dör den Act of Union vun 1707 eerste Königin vun Grootbritannien, in Personalunion ok Königin vun Irland. Se överstunn in ehr Regerenstiet ehr Halfbroder James Francis Edward Stuart sienen Infall. Georg Friedrich Händel is an den engelschen Hoff kamen, de ok al en Steed bi den dormalig Kurfürsten vun Hannober un later König vun England Georg I. harr.

Huus Hannober

Naam (Leevdaten)	Regerenstiet	Verwandtschap	Henwies
Georg I. Georg Ludwig vun Hannober (* 7. Juni 1660; † 22. Juni 1727)	1714–1727	Urgrootkind vun Jakob I./VI. vun England-Schottland	Hertog vun Bronswiek un Lümborg, siet 1698 Kurfürst vun Hannober. As Söhn vun de dör den Act of Settlement begünstigt Sophie vun de Palz kunn he Königin Anne op den Throon folgen. De Opstänn vun de Jakobiten gung wieder to sien Tiet. He gründ de Personalunion mit Kurhannober.
Georg II. (* 9. November 1683; † 25. Oktober 1760)	1727–1760	Söhn vun’n Vörgänger
Georg III. (* 4. Juni 1738; † 29. Januar 1820)	1760–1820	Grootkind vun’n Vörgänger	Sien Vadden bleev doot vör den sien Vadder. Eerste hannoberaansch-grootbritannsch König, de in Grootbritannien boren wöör un den sien Mudderspraak Engelsch weer.
Georg IV. (* 12. August 1762; † 26. Juni 1830)	1820–1830	Söhn vun’n Vörgänger
Willem IV. (* 21. August 1765; † 20. Juni 1837)	1830–1837	Broder vun’n Vörgänger	Willem wöör König, wiel Georg IV. keen Söhns harr.
Victoria (* 24. Mai 1819; † 22. Januar 1901)	1837–1901	Broderkind vun’n Vörgänger	De König harr keen Söhn. Vun wegen dat Salisch Arvrecht in Kurhannober hett Victoria nich Königin vun Hannober warrn könen. De Personalunion is dormit vörbi.

Huus Sassen-Coborg un Gotha later Windsor

Naam (Leevdaten)	Regerenstiet	Verwandtschap	Henwies
Eduard VII. (* 9. November 1841; † 6. Mai 1910)	1901–1910	Söhn vun de Vörgängerschen
Georg V. (* 3. Juni 1865; † 20. Januar 1936)	1910–1936	Söhn vun’n Vörgänger	Vun wegen den Eersten Weltkrieg gegen Düütschland wöör de düütsche Naam to Windsor ännert.
Eduard VIII. (* 23. Juni 1894; † 28. Mai 1972)	1936	Söhn vun’n Vörgänger	Eduard is nie nich kröönt worrn un dank al wedder an’n 11. Dezember 1936 af, dormit he Wallis Simpson heiraten kunn, de al heirat harr. Achteran wöör he Duke of Windsor nöömt.
Georg VI. (* 14. Dezember 1895; † 6. Februar 1952)	1936–1952	Broder vun’n Vörgänger
Elisabeth II. (* 21. April 1926; † 8. September 2022)	1952–2022	Dochter vun’n Vörgänger	Elisabeth änner de Naam vun’t Königshuus för ehr Kinner to Mountbatten-Windsor, en Verbinden ut ehr Swegermudder ehr Naam (Alice vun Battenbarg) un ehr egen Naam.
Charles III. (* 14. November 1948)	2022–	Söhn vun de Vörgängerschen

Arv vun’n Throon

Prince William (* 21. Juni 1982) is is de öldste Söhn vun König Charles, also de tokamen grootbritannsch König. So is dat, siet sien Grootmoder Königin wöör 1952.

Kiek ook bi

List vun de Königinnen un Könige vun England

Literaturhinweise

De Königinnen un Könige in düsse List finnst du in’t Dictionary of National Biography oder in’t nee maakt Oxford Dictionary of National Biography. Dat gifft ok anner biograaphsche Böker: De Yale English Monarchs Series (faken as de Standard nöömt) un vundaag ok de Reeg Penguin Monarchs vun Penguin Books (’n beten kort, man tomehrst aktueller un bet in de Nutiet).

Peter Wende (Utg.): Engelsche Könige un Königinnen in de Neetiet. Vun Hinrich VII. bet Elisabeth II. 2., dörkieken und aktualiserte Oplaag. C.H. Beck, München 2017 (Kortbiographien mit mehr Literatur).