Loch Lomond (Brenneree)

Loch Lomond
Land Schottland
Region Highlands
Tyyp Malt un Grain
Status aktiv
Besitter Loch Lomond Distillery Co. Ltd.
Grünnt 1966
Grünner Littlemill Distillery Co. Ltd.
Waterborn Loch Lomond
Produkschoonsvolumen 12.000.000 l
Websteed www.lochlomonddistillery.com

Loch Lomond is en Destille för Whisky in de Stadt Alexandria an’n süüdlichen Loch Lomond, Schottland.

Historie ännern

 
En Buddel Loch Lomond

De Brenneree Loch Lomond is 1966 dör de US-amerikaansche Littlemill Distillery Company grünnt worrn. In’t Johr 1984 weer se wedder dicht maakt un is dat Johr dorop in’n Besitt vun de Familie Bulloch kamen, de al siet 1842 in’t Spirituosen-Gewarf aktiv is. 1987 hebbt se de Brenneree wedder apen maakt. 1993 weer en Coffey still inboet. De Destille is vundaag de eenzige in Schottland, de Malt- und Grain-Whisky in een Brenneree produzeert un dormit ok en Single-Blend-Whisky anbeden kann. Single-Malt-Whisky ut de Destille warrt mit ünnerscheedliche Egenorden und ünner verscheden Naams in’n Hannel bröcht. Blangen den Loch Lomond gifft dat den Craiglodge, Croftengea, Glen Douglas, Inchmoan, Inchmurrin un den Old Rhosdhu.

De Loch Lomond Single Highland Malt Scotch Whisky is wiet verbreedt un kann faken ok in’n Supermarkt funnen warrn. De Marke is ünner annern ok dör de Comic-Reeg Les aventures de TinTin (dt.: Tim und Struppi) vun Hergé (1929−1983) bekannt worrn, in de de Figur Kaptein Haddock as ok Tim sien troen Hund Struppi geern en Whisky drinkt, de Loch Lomond heet. De Marke in de Comicreeg is aver vun Hergé utdacht un hett nix mit de Brenneree to kriegen. De is neemlich jünger.

Kiek ok ännern


Koordinaten:55° 60′ N, 4° 35′ W