Port Charlotte (Brenneree)
| Lochindaal | |
|---|---|
| Land | Schottland |
| Region | Islay |
| Tyyp | Malt |
| Status | 1929 dicht maakt |
| Besitter | – |
| Grünnt | 1829 |
| Grünner | Colin Campbell |
| Waterborn | Loch Octomore un Loch Garroch |
| Washstill(s) | 1 (1885)[1] |
| Spiritstill(s) | 2 (1885)[1] |
| Produkschoonsvolumen | 127.068 Gallonen (1885)[1] |
Lochindaal (ok Loch Indaal schreven oder Port Charlotte nöömt) weer en Whiskybrenneree in Port Charlotte, Islay, Schottland. Blangen Lochindaal geev dat in Port Charlotte mit Octomore noch en tweete Brenneree. De Tolllagers, de dat vun de Brenneree bit hüüt noch gifft, sünd 1980 in de britischen Denkmollisten in de Kategorie C(S) opnahmen worrn.[2]
.jpg)
Historie
ännernDe Brenneree weer 1829 vun Colin Campbell grünnt.[3] In de Johren dorna hett dat Ünnernehmen fief mol den Besitter wesselt, bit 1855 denn John B. Sherriff de Destille övernahmen hett. 1895 is de J. B. Sherriff & Co. Ltd. grünnt worrn, de ok Andeelen vun de Brenneree Lochhead in Campbeltown un vun de Bowmore-Brenneree op Islay beseten hett.[4] In’t Johr 1920 is de Destille vun de Brenneree Benmore köfft worrn, de negen Johren later vun de Distillers Company Ltd. (DCL) övernahmen weer. De hett de Lochindaal-Destille noch dat glieke dicht maakt.[3] De Lagerhüüs gifft dat aver ok vundaag noch und se warrt ok noch nütt.[4]
In de Naverschop vun Lochindaal liggt de Brenneree Bruichladdich, de in’n Sommer 2010 ankünnigt hett, dat se op dat Rebeet vun de fröhere Destille en ne’e Brenneree ünner den Naam Port Charlotte boen laten will. Man, wegen de Finanzkrise is de Plaan eerstmol torüchstellt worrn. As Bruichladdich dör Rémy Cointreau opköfft worrn is, sünd de Geller för en Neeopbo aver praat stellt worrn. De ne’e Brenneree schall 2016 apen maakt warrn.[5]
Borns
ännern- ↑ a b c A. Barnard: The Whisky Distilleries of the United Kingdom, 1887, S. 103–104.
- ↑ Indrag in de britischen Denkmollisten
- ↑ a b Ulf Buxrud: Lost Scotch Malt Whisky Distilleries 1888–1945, 2000
- ↑ a b Indrag bi wormtub.com
- ↑ http://www.islayinfo.com/islay_port_charlotte_distillery.html
Koordinaten:55° 44′ N, 6° 23′ W