Lohoff (Jesborg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21266 | |
| Vörwahl: | 04183 | |
| Geograafsche Laag: | Koordinaten:53° 19′ N, 9° 58′ O53° 19′ N, 9° 58′ O | |
|
| ||
De Lohoff (hoochdüütsch Lohof) is en Hoff in de Gemeen Jesborg (Samtgemeen Jesborg) in’n Landkreis Horborg, Neddersassen. De Oort höört polietsch al von öllers bi Jesborg mit bi.
Geografie
ännernDe Lohoff liggt üm un bi 500 Meter af von de Seev op dat linke Över.
De Naveröörd sünd Bendsdörp in’n Noorden, Ramßel in’n Noordoosten, Marxen in’n Süüdoosten, Jesborg in’n Süüdwesten un Itzenbüttel in’n Westen.
Historie
ännernDe Lohoff kummt 1551 as Schillingshoff toeerst in de Oorkunnen vör.
Vondaag warrt op’n Lohoff Rinnertucht un Forstweertschop bedreven.
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Jesborg in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Landkreis Horborg worrn.
De Oort is as Deel von de Gemeen Jesborg an’n 1. Juli 1972 mit de Gemeenreform in Neddersassen an de ne’e, gröttere Gemeen Jesborg kamen.
Inwahnertall
ännern| Johr | Inwahners |
|---|---|
| 1793[1] | 2 Füürsteden |
| 1824[2] | 3 Füürsteden |
| 1848[3] | 16 Lüüd, 2 Hüüs |
Religion
ännernDe Lohoff is evangeelsch-luthersch präägt un höört to dat Kaspel von de Martinskark in Jesborg.
För de Kathoolschen is de Petrus-Kark in Bookholt tostännig.
Weertschop un Infrastruktur
ännernIn’n Westen von’n Lohoff in’t Klecker Holt hett 2008 de Lions Club Hamborg-Noordheid den Märkenwannerweg Der Trickser anleggt. 2012 hebbt e Gemeen Jesborg un de Verkehrsvereen Jesborg den Wannerweg övernahmen.
In’n Oosten von’n Hoff gifft dat en RuheForst.
Verkehr
ännernDe Lohoff liggt an de Landsstraat 213, de in’n Noorden över Harmsdörp un Helmsdörp na Hittfeld un Horborg geiht un in’n Süden na Jesborg un Hanstää.
De nächste Autobahn is de Autobahn 7. De Opfohrt 38 Ramßel liggt so söven Kilometer in’n Noordoosten von’n Lohoff.
De nächste Bahnhoff is so bi acht Kilometer wied weg in’n Noordwesten de Bahnhoff Klecken an de Bahnlien Hamborg–Bremen. Von 1874 bet 1981 hett dat ok Personenverkehr op de Bahnlien Wittenbarg–Bookholt geven. De nächste Bahnhoff weer in disse Tied de Bahnhoff Jesborg annerthalv Kilometer in’n Süüdwesten.
Footnoten
ännern- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 144: https://books.google.de/books?id=jN5QAAAAcAAJ&pg=PA144
- ↑ C. H. Jansen: Statistisches Handbuch des Königreichs Hannover. 1824, Sied 380: http://books.google.de/books?id=tG0AAAAAcAAJ&pg=PA380
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
Weblenken
ännern- Websteed von’n Hoff (hoochdüütsch)