Lois Michele Young (* 19. Januar 1951) is en Juristin un Diplomatin ut Belize.

Young is 1951 in Brietsch-Honduras (nu Belize) boren. Se hett Juristeree an dat King’s College London studeert un dat Studium mit en Bachelor of Laws afslaten. Se is Maat von Gray’s Inn. Siet 1976 is se Maat von’n Avkatenvereen von Belize (Bar Association of Belize) un praktizeert in de egen Kanzlie Lois Young Barrow and Co.

Von 1975 bet 1976 weer se Staatsanwältin in dat Office of Public Prosecutions un denn Kroonavkatin bi dat Ministerium von’n Generaalstaatsanwalt un Magistraat. Von 1989 bet 2002 weer se Vörsitterin von dat Belize Social Security Appeals Tribunal un 2008 bet 2012 Vörsitterin von’n Opsichtsraad von de Social Security Chamber.

Se is siet 19. September 2012 as Nafolgerin von Janine Elizabeth Coye-Felson Stännigen Vertreder von Belize bi de Vereenten Natschonen in New York City.

Siet 2019 is se Vörsitterin von de Alliance of Small Island States.

Se weer mit Dean Barrow verheiraadt, de later Premierminister von Belize worrn is. De beiden hebbt twee Kinner (Anwar un Deanne) un sünd scheedt.