Lol (Stroom)

De Lol is en Stroom in de Region Bahr al-Ghazal in’n Sudan. De Stroom hett sien Born in’t Bongo-Massiv bi de Grenz na de Zentralafrikaansche Republiek un münnt in’n Bahr al-Arab.

Bi Uwail geiht de Bahnlien vun Babanusa na Waw över den Stroom. An sien Över liggt dat Ashana-Wildreservat.

De Ümgegend vunn Stroom liggt blot en Stück süden de Demarkatschoonslien twischen Noord- un Süüdsudan. Dorvun geev dat in’n Sezessionskrieg in Süüdsudan jümmer wedder Gefechten un veel Lüüd sünd ut de Gegend verdreven worrn.