Lol Mohammed Chawa

Lol Mohammed Chawa (* 15. Juni 1939 in Mao; † 15. September 2019 in N’Djamena) is in dat Johr 1979 vun’n 29. April bit to’n 21. August Staatspräsident vun den Tschad ween. He weer de Baas vun en lüttjen Twieg vun de FROLINAT, wat de Armee vun de Upsternaatschen ween is. In dat hööchste Amt vun den Staat is he wohrschienlich kamen, vunwegen dat de beiden Kriegsherren Hissène Habré un Goukouni Oueddei so övereenkamen sünd.

1996 hett he dat Präsidentenamt noch eenmol anstreevt. Dütmol is he vun de Rally for Democracy and Progress (RDP) upstellt wurrn un hett 5,93 % vun de Stimmen kregen.