Lopinga achine

De Lopinga achine (düütsch Beteken: Gelbringfalter up Platt so völ as: Geelringfalter) is en Bottervagel (Dagfalters) ut de Familie vun de Eddelfalters (Nymphalidae).

Lopinga achine
Lopina achine
Systematik
Klass	Insekten (Insecta)
Ornen	Bottervagels (Lepidoptera)
Familie	Eddelfalters (Nymphalidae)
Ünnerfamilie	Ogenfalters (Satyrinae)
Geslecht	Lopinga
Oort	Geelringfalter
Wetenschopplich Naam
Lopinga achine
(Scopoli, 1763)

Markmalen

De Falter recken en Flögelspannwiet vun 50 bit 55 Millimetern. Se hebbt graubruun Flögelböversieden mit groot, swaart, dünn geel umrand Flecken dicht bi de Flögelränner.

• 
  Lopinga achine ♂
• 
  Lopinga achine ♂ △

Wor man de finnen kann

Se kommt in Europa, Russland, in’ Norden vun Middelasien un in Japan blots lokal un vereenzelt vör. Se leevt an lütt Waldlichtungen mit Buschwark un in Heegen an Waldrändern. Man find de sowohl up fuchtig as ok up dröög Boden, de basisch oder nich basisch ween könnt. Se sünd mit hör Populatschonen an völ Stäen stark rücklöpig; Dat hannelt sück um en stenöke Dagfalteroord bun Loofwäldern mit en bestimmten Grasünnerwuchs, de selten funnen wurr, de an klimatisch begünstigten Stellen gelegentlich aber ok an Nadelwaldrändern leevt.

Floogtiet

De Deerten fleegen in een Generatschoon vun Anfang Juni bit Enn’ Juli.

Nehren vun de Ruupen

De Ruupen nehren sück vun de Blööt vun de Fieder-Zwenke (Brachypodium pinnatum) un vun Wald-Zwenke (Brachypodium sylvaticum).

Born

Literatur

• Hans-Josef Weidemann: Tagfalter: beobachten, bestimmen, Naturbuch-Verlag Augsborg 1995, ISBN 3-89440-115-X

Weblenken

Gelbringfalter. Mehr Biller, Videos oder Audiodateien to’t Thema gifft dat bi Wikimedia Commons.

• Lepiforum e. V. Taxonomie un Fotos
• Lopinga achine bi Fauna Europaea
• Land Salzburg, Naturschutz: Gelbringfalter
• www.schmetterling-raupe.de
• Moths and Butterflies of Europe and North Africa (engelsch)