Lorraine-Dietrich Type GF 4

De Lorraine-Dietrich Type GF 4 is en Baureeg vun Pkw-Modellen vun de 1910er Johren. Dorto hörrn Type FGF 4, Type RGF 4 un Type FRGF 4. Hersteller weer Lorraine-Dietrich in Frankriek. Dat gellt as Middelklassewagen.

Lorraine-Dietrich Type GF 4

Lorraine-Dietrich Type GF 4

Beschrieven

De natschonalen Tolaatensbehörde weer dat eerste Fohrtüüch an’n 4. Juni 1909 vörstellt wurrn. De Baureeg stunn van 1910 bit 1913 to’n Verkoop. Nahfolger wurrr de Type HF 4.

De Motor entstunn nah en Lizenz vun Turcat-Méry. Dat is en Veerzylinder-Riegenmotor, eerstmals bi dissen Hersteller in Monoblockbauwies. De is as L-Kopf-Motor mit SV-Ventilstüüeren utführt. 75 mm Bohrung un 120 mm Hub ergeven 2121 cm³ Hubruum. De Motor weer dormals in Frankriek stüürlich mit 12 CV instuuft.

De Motor is vörn längs in dat Fohrgestell inbaut. He drifft över en Dreeganggedriev un en Kardanwell de Achterass an. De Brems warkt as dat typisch för de Tiet weer, blots up de Achterrööd.

All Modelle hemm eenheitlich 1360 mm Spoorwiet. Bi den Radstand gifft dat aber Ünnerscheeden. Bi den Type FGF 4 bedroog he in dat eerste Johr 2840 mm, dornah 2837 mm. Bi den Type RGF 4, den dat blots 1910 geev, is he 2325 mm an’n körtesten. De Type FRGF 4 van 1911 harr 2837 mm.

Bekannt sünd de Karosseriebauformen veerdörig Torpedo un Düppelphaeton.

Literatur

• Sébastien Faurès Fustel de Coulanges: Lorraine-Dietrich. De la voiture de grand luxe au géant de l’aéronautique. E-T-A-I, Antony 2017, ISBN 979-1-02830220-7 (franzöösch).

Weblinks

Lorraine-Dietrich Type GF 4. Mehr Biller, Videos oder Audiodateien to’t Thema gifft dat bi Wikimedia Commons.