Louis Harms

Louis (an un for sik Georg Ludwig Detlef Theodor) Harms (* 5. Mai 1808 in Wasra; † 14. November 1865 in Harmsborg) weer en bedüdenden düütschen Prediger.

Louis Harms

Leven un Wark

Sien Vadder weer de luthersche Paster Christian Harms (1773–1848). Bi em hett Harms vun 1844 bet 1849 as Hölpsgeistlichen arbeit. An’n 20. November 1844 is he vörher in Hannober ordineert wurrn. 1849 grünn Louis Harms de Harmsborger Misschoon. He wurr as en Prediger ankeken, de de Lüde up Draff bringen dö, as man wenig annere in dat 19. Johrhunnert. He is ok „de Heid ehr Upwaker“ nömmt wurrn. An’n 14. November 1865 is he storven. Sien Graff hett he up'n Harmsborger Karkhoff kregen. Dor is dat hüüt noch to sehn.

Plattdüütsch

Harms is dor bekannt üm wurrn, dat he in de Bibelstunnen an'n Sönndagnahmiddag un ok bi de Seelsorg de plattdüütsche Spraak bruukt hett. Sien Broder Theodor Harms hett sien Anspraken in veer Delen rutgeven. 1981 hett Heinrich Kröger düsse Vertellen un Utleggen in een Book ünner den Titel „Honnig“ in de föffte Uplaag rutgahn laten.

Böker

• Theodor Harms (Rutgever): Honnig. Vertellen un Utleggen in sin Modersprak von Louis Harms, nee rutbröcht vun Heinrich Kröger. Missionsbuchhandlung Harmsborg 1981, ISBN 3-87546-018-9

Weblinks

• Websteed vun dat Ludwig-Harms-Huus in Harmsborg (Hoochdüütsch)
• Websteed vun dat Missionsseminar (Hoochdüütsch)
• Websteed vun dat Ev.-luth. Missionswark in Neddersassen (Harmsborger Mission) (Hoochdüütsch)