Louis José Ignarro
Louis José Ignarro (* 31. Mai 1941 in Brooklyn, New York City) is en US-amerikaansch Pharmakoloog. 1998 wurr he mit den Nobelpries för Physiologie oder Medizin uttekent.
Leven un Wark ännern
Ignarro hett de Central Grade School un de Long Beach High School besöcht. Dornah hett he bit 1962 Chemie un Pharmakologie an de New Yorker Columbia University studeert. Ansluutend hett he sien Studium an de University of Minnesota in Minneapolis fortsett, wo he 1966 sien Doktertitel in Pharmakologie kreeg. Af 1968 hett he för dat Ünnernehmen Geigy Pharmaceuticals arbeit. 1973 wurr he Perfesser an de Tulane University in New Orleans. Siet 1985 arbeitet he as reguläär Perfesser un Lehrstohlinhebber för Pharmakologie an de medizinisch Fakultät vun de UCLA, Los Angeles, Kalifornien.
He kreeg 1998 mit Robert Francis Furchgott un Ferid Murad den Nobelpries för Physiologie oder Medizin för de Erkenntnisse över den körpereegen sekundären Botenstoff Stickstoffmonoxid (Stickoxid, NO) un de sien Upgaven in dat minschlich Hart-Kreisloop-System. In dat folgend Johr wurr he sowohl in de American Academy of Arts and Sciences as ok in de National Academy of Sciences upnommen. Siet 2007 is he Liddmaat vun de American Philosophical Society.[1] Ignarro is Liddmaat vun den wetenschaplichen Biraat vun Herbalife international, Los Angeles, un hörrt ebenfalls den wetenschaplichen Komitee vun dat franzöösch Pharmaünnernehmen Nicox an.
Privates ännern
Louis Ignarro is to’n tweeten Mal verheiraadt un hett een Dochter.
Literatur ännern
- Gisela Baumgart: Ignarro, Louis J. In: Werner E. Gerabek, Bernhard D. Haage, Gundolf Keil, Wolfgang Wegner (Hrsg.): Enzyklopädie Medizingeschichte. De Gruyter, Berlin/ New York 2005, ISBN 3-11-015714-4, S. 659.
Weblinks ännern
Enkeld Nahwiesen ännern
- ↑ Member History: Louis J. Ignarro. American Philosophical Society, afropen an’n 9. Oktober 2018 (engelsch, mit Körtbiografie).