Louis Trousselier

Louis Trousselier (* 29. Juni 1881 in Levallois-Perret; † 24. April 1939 in Paris) weer en franzöösch Radrennfohrer.

Louis Trousselier (1903)

Bi de Olympisch Spelen 1900 in Paris wunn Louis Trousselier de Bronzemedaille in‘t Punktefohren. Van 1902 bit 1914 weer he denn Profi-Rennfohrer. 1903 kemm he bi Paris–Roubaix all up den darten Platz. 1905 weer för Trou-Trou - so sien Ökelnaam - sien spoodriekst Johr. Tovör harr noch nie en Radrennfohrer so völ Rennen in een Johr wunnen. So wunn he in dat Johr ünner annern de Tour de France (mit fiev Deelstreckensiegen) (vör Hippolyte Aucouturier un Jean-Baptiste Dortignacq), Paris–Roubaix (vör René Pottier un Henri Cornet), Paris-Valenciennes un Brüssel-Roubaix. 1908 hett he dat Rennen Bordeaux–Paris vör Cyrille Van Hauwaert un Émile Georget wunnen. Insgesamt hett Trousselier 20 Siege in sien Vita stahn. 1914 hett he sien aktiv Loopbahn afslooten.

Trou-Trou bi de Tour de France

• 1905: Sieger un fiev Deelstrecken
• 1906: Platz 3 un veer Deelstrecken
• 1907: Upgeeven aber een Deelstreck
• 1908: Upgeeven
• 1909: Platz 8 un een Deelstreck
• 1910: Upgeeven aber een Deelstreck
• 1911: Upgeeven
• 1912: Nich deelnommen
• 1913: Platz 11
• 1914: Platz 38.

Weblinks

Louis Trousselier. Mehr Biller, Videos oder Audiodateien to’t Thema gifft dat bi Wikimedia Commons.

• Palmarès – List van de Erfolge un Platzeeren
• LouisTrousselier in de Datenbank van de Tour de France (franzöösch)
• Louis Trousselier in de Datenbank van Radsportseiten.net