Hauptmenü öffnen

In den vörmoligen franzööschen Königspalast Louvre in Paris is hüdigendags to'n groten Deel dat Museum Musée du Louvre ünnerbröcht. In dat Johr 2007 hefft 8,3 Mio. Lüde den Louvre besöcht.[1] Dor is de Louvre up de ganze Welt mit dat Museum mit de meisten Besökers. Up 60.000 m² warrt utstellt. Grötter sünd bloß dat Metropolitan Museum New York un de St. Petersborger Eremitage. In den Noordflögel vun'n Louvre is de Institutschoon Les Arts Décoratifs mit ehr dree Museums Musée des Arts Décoratifs, Musée de la Mode et du Textile, Musée de la Publicité un mit de Bibliothèque des Arts décoratifs tohuse.

Dat Bowark liggt in dat Zentrum vun Paris twuschen dat rechte Över vun de Seine un de Rue de Rivoli. In sien Binnenhoff geiht dat los mit de so nömmte histoorsche Ass vun Paris. De geiht los bi de glöserne Pyramide an'n Ingang vun'n Louvre un langt bit na de Grande Arche hen. Ehr Middelstück is de Champs-Élysées.

De PalastÄnnern

 
De ole Louvre in en Bild ut dat Book De Très Riches Heures vun den Hartog vun Berry

Johrhunnertelang weer de Louvre en grote Bostell. Meist jeden Herrscher, König un Kaiser hett an den Louvre rümboen laten. De Naam kümmt wohrschienlich vun dat latiensche Woort „luperia“, wat so veel bedüden deit as „Wulfskuhl“. Düsse Naam wiest up de vörmolige Upgave vun de Borg: Se scholl en wehrhafte un starke Borg ween. Na de Franzöösche Revolutschoon is dat Königsslott 1793 ümwannelt wurrn in en Museum.

Beröhmte BillerÄnnern

In'n Louvre sünd unbannig veel beröhmte Biller to sehn, dormank de Mona Lisa, De Jungfro un dat Kind mit St. Anna, man ok Warken ut Kunst, Kultur un Steenhaueree ut de Antike as de Venus vun Milo un de Kodex Hammurabi.

FootnotenÄnnern

  1. Dat Kultusministerium hett seggt: Vun de 8,3 Mio. Besökers sünd 7,9 Mio. bi de Duerutstellung ween un 307.000 bi de beiden Sunnerutstellungen, de an'n meisten besöcht wurrn sünd[1]