Ludwig Bartels (1884–na 1937)

Ludwig Bartels (* 1884; † na 1937) weer en düütschen Verwaltungsbeamten.

Bartels is 1884 boren. Bartels weer Regerungsraad bi’n Regerungsbezirk Lümborg. He weer von 1919 bet 1924 in de DNVP un denn wedder ahn Partei. An’n 1. April 1933 is he in de NSDAP rin.

Na de Machtergreifung von de NSDAP is Walter Dudek an’n 11. März 1933 as Böverbörgermeester von Horborg-Willemsborg afsett worrn. För de eerste Tied hett Edzard Dyes kommissarsch dat Amt övernahmen. Bartels is na en Vörslag von Otto Telschow an’n 6. Juni 1933 kommissarsch Böverbörgermeester worrn un hett dat Amt an’n 23. Oktober 1933 denn richtig övernahmen. He is bet to’n 30. März 1937 Börgermeester bleven, as de Stadt Horborg-Willemsborg mit dat Groot-Hamborg-Gesett Deel von Hamborg worrn is.

Literatur ännern

Dirk Stegmann: Aufstieg und Herrschaft der NSDAP in Harburg 1922-1937. In: Jürgen Ellermeyer, Klaus Richter, Dirk Stegmann (Rutgevers): Harburg: von der Burg zur Industriestadt - Beiträge zur Geschichte Harburgs 1288-1938. Christians, Hamborg 1988, Sieden 449–473