De Maandag is en Weekdag, un twors de eerste na de DIN 1355 un de twede na de christlich-jöödsche Tellwies.

Dat Woord kümmt vun den Maand. Maandag is so to seggen een Översetten vun den latienschen Dagnaam dies lunae, wat dag vun den Maand heet.

Aver dat gifft ok en anner Verklaarn: Dor weer ok en germanschen Gott Man, vun den schall na en Interpretatschoon ok de Naam Germanen vun af komen.