Madison Chock
Madison Laʻkea Te-Lan Hall Chock (* 2. Juli 1992 in Torrance, Kalifornien) is en US-amerikaansch Ieskunstlöperin, de in‘n Iesdanz startet.
Chock fung mit fief Johren mit dat Ieslopen an. Mit 12 Johren hett se sück up Iesdanz konzentreert, hör eerst Partner weer Kurt Lingenfelter.
Van 2006 bit 2011 is Chock an de Siet van Greg Zuerlein an den Start gahn. Gemeensam wurrn se 2009 Junioren-Weltmeester. Bi hör eenzig Weltmeesterschapsupträe wurrn se 2011 Negente. Dat Iesdanzpaar wurr van Igor Schpilband un Marina Sujewa in Canton, Michigan, traineert.
2011 hett Greg Zuerlein sien Loopbahn afslooten, nee Partner för hör wurr nu Evan Bates, Iesdanz-Juniorenweltmeester van 2008. Trainer bleev Igor Schpilband. 2013 wurrn de beid all US-amerikaansch Viezmeester un kunnen dorbi Maia un Alex Shibutani up den darten Platz verwiesen. 2014 wurrn se weer US-amerikaansch Viezmeester un keemen bi de Olympisch Spelen in Sotschi up den 8. Platz.
Dat Johr dorup wunnen se bi de Ieskunstloop-Weltmeesterschap 2015 de Sülvermedaille achter Gabriella Papadakis/Guillaume Cizeron ut Frankriek, aber vör Kaitlyn Weaver/Andrew Poje. 2016 keem bi de Weltmeesterschap noch en Bronzemedaille achter Papadakis/Cizeron un Maia Shibutani/Alex Shibutani dorto.
Bi de Weltmeesterschap 2017 in Helsinki bleeven se ahn Medaille un hemm Platz 7 reckt. In de Saison 2017/18 harr Chock mit Footproblemen to kämpen. Dat Paar hett woll an de Olympisch Winterspelen deelnommen, se besehr sück dor aber weer un so wurr dat nix mit en Medaille.
Bi de Weltmeesterschap 2018 reck dat Paar den 6. Rang.
