Mairie Oosten
De Mairie Oosten weer in de Franzosentied (1810 bet 1813) een von de veer Mairien, in de de Kanton Himmelpoorten indeelt weer. De Seet weer in Oosten. Se harr 4118 Inwahners.[1]
Historie ännern
De Ümgegend von Oosten hett vör de Franzosentied dat Gericht Oosten in dat Hartogdom Bremen billt, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Oosten een von de fiev Mairien in’n Kanton Oosten von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Oosten weer nu een von de veer Mairien in’n Kanton Himmelpoorten, Distrikt Stood, Departement von de Elvmünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de fiev Mairien Oosten, Olendörp, Isensee, Hüll un Grootweurn höört harrn. Also de kumplette westfäälsche Kanton Oosten.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd ännern
Dor hebbt düsse Öörd tohöört:
- Kaiserriek Frankriek:[1]
Vondaag sünd düsse Öörd Deel von de Samtgemeen Hemmoor.
Footnoten ännern
- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 65
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 6