Manabu Horii
Manabu Horii (japaansch: 堀井 学}}, Horii Manabu; * 19. Februar 1972 in Muroran, Hokkaidō, Japan) is en ehmalger japaansch Iesflinklöper un Politiker. Siet 2012 sitt he för de Liberaldemokraatsch Partei (LDP) in dat Ünnerhuus van den Shūgiin, dat natschonale Parlament, un vertrett dor den 9. Wahlkreis Hokkaidō.
Bi de Olympisch Spelen 1994 wunn he de Bronzemedaille över 500 m (achter Alexander Wjatscheslawowitsch Golubew un Sergei Konstantinovich Klewtschenja) un 1997 bi de Eenzelstreckenasienmeesterschapen in Obihiro Gold över 1000 Meter as ok bi de Iesflinkloop-Weltmeesterschapen in dat glieker Johr de Goldmedaille över 500 m (vör Roger Strøm un Hiroyasu Shimizu. Ok wenn he 1996 bzw. 1997 Weltrekorde över 1000 m bzw. in‘n Sprintveerkamp upstellt hett, kunn he sien Erfolg vun 1994 nich nochmal schaffen. 2002 hett he sien Loopbahn afslooten.
Bi de Regionalwahlen 2007 in Japan wurr Horii för de LDP in den Eenmandatswahlkreis Noboribetsu in dat Präfekturparlament Hokkaidō wählt, un 2011 in dat Amt bestätigt.[1] För de Shūgiin-Wahl 2012 harr de LDP in‘n Juli 2012 Horii as Kandidaten in den 9. Wahlkreis Hokkaidō fastleggt, den Wahlkreis vun den ehmalgen Premierminister Yukio Hatoyama.[2] Hatoyama harr sück nich mehr upstellen laaten un Horii hett sück gegen den Demokraten Tatsumaru Yamaoka un twee wiedere Kandidaten mit 55,2 Perzent vun de Stimmen klor dörsett.
Weblinks ännern
- Offizielle Website (japaansch)
- Statistik bi Speedskatingnews
Enkeld Nahwiesen ännern
- ↑ Yomiuri Shimbun: Einheitliche Regionalwahlen 2011, Ergebnisse Parlament Hokkaidō
- ↑ Hatoyama could face tough re-election bid against Horii. In: The Japan Times. 5. Juli 2012, afropen an’n 11. Juli 2012 (engelsch).