Manfred Kaltz

Manfred Kaltz (* 6. Januar 1953 in Ludwigshafen am Rhein) is en ehmalger düütsch Footballspeler.

De Afwehrspeler fung sien Loopbahn 1960 bi VfL Neuhofen an, wo he bit 1968 bleev. Bit 1970 speel he dornah bi TuS Altrip. Van 1970 bit 1989 speel he bi den Hamburger SV, wo he ok sien Dörbröök as Natschonalspeler harr. 1989 hett he een Speel för Girondins Bordeaux bestreeden, wurr vun dor aber utlehnt an FC Muhlhouse. In de Siaosn 1990/91 speel he noch mal för den Hamburger SV. Manfred Kaltz hett 581 Bundsligaspelen maakt. Dormit weer he to sien Tiet Rekordspeler, bit he vun Karl-Heinz Körbel aflööst wurr. 78 Doren hett he dorbi schaaten.

Sien Spezialität in Hamborg weern sien so nöömt Banaanflanken, de besünners vun Horst Hrubesch goot verwert wurrn kunnen. Buterdem gull he as besünners swiegsam.

För de düütsch Natschonalmannschap hett he in de Johren 1975 bit 1983 insgesamt 69 Lännerspelen bestreeden un dorbi acht Doren schaaten. He weer bi de Football-Weltmeesterschapen 1978 un 1982 dorbi, wurr mit de Mannschap 1980 Europameester un hett ok an dat olympisch Footballturnier 1972 deelnommen.

BornsBearbeiten