Manfred Oberdörffer

Tony, bürgerlich Manfred Oberdörffer, (* 9. Mai 1944 in Hamborg) is en düütsch Slagersinger, Komponist, Texter un Musikproduzent. He weer vör allem in de 1970er Johren bekannt.

Leven

As Tony un Tony Tornado weer Oberdörffer anfangs as Beat- un Rocksinger bekannt. Hier weer he in de 1960er Johren mit de Band „Die Tonics“ ünnerwegens. Anfang vun de 1970er Johren is he in dat Slagerfack wesselt un harr en paar Hits, mit de he ünner annern in de ZDF-Hitparade uptreden is. Sein’ gröttsten Spood harr he mit dat Leed Mädchen mit roten Haaren. Bit Midden vun de 1970er geev dat noch mehr Singles, denn wurr dat ruhiger.

1991 hett he tosommen mit Karsten Runge („Maat“), de Enn’ vun de 1970er Johre mit dat Trio „Muskelkater“ Spood hat harr, un Ronald David („Smuttje“) de Grupp „Tony und die Strandpiraten“ grünnd. He sülvst weer denn de „Käpt'n“. De Band nehm an de neddersassisch Wettstried Lieder so schön wie der Norden 1991 deel. Hör Leed Lüd vunne Woderkant keem aber blots up den 13. Platz. De Grupp is aber dornah liekers in de Folgetiet, vör allen in Noorddüütschland, bi verscheeden Musiksendungen uptreden.

Erfolgstitel

• 1969 Dynamite woman
• 1970 Nuevo Laredo
• 1971 Ich bin ein Mann
• 1971 Hey, heut Nacht
• 1971 Mädchen mit roten Haaren
• 1972 Mädchen, du hast mich verliebt angesehn
• 1974 Mein letztes Geld geb ich für Blumen aus
• 1974 Ich denk' an Annie
• 1975 Komm mal raus, Renate
• 1977 Der nächste Sommer kommt bestimmt
• 1978 Kleine Mädchen müssen früher schlafen gehn
• 1990er Ole Oleo und Mieke

Diskografie

Alben:

• Einfach verrückt
• St. Pauli Polonaise

Weblenken

• discogs.com: Manfred Oberdörffer