Manne Siegbahn
Karl Manne Georg Siegbahn (* 3. Dezember 1886 in Örebro, Sweden; † 26. September 1978 in Stockholm) weer en sweedsch Physiker un Nobelpriesdräger.
Leven
ännernManne Siegbahn wurr an' 3. Dezember 1886 as Söhn vun den Statschoonsvörsteher vun de sweedsch Iesenbahn in Örebro Nils Reinhold Georg Siegbahn un de Fru Emma Sofia Mathilda Zetterberg boren. 1906 gung he an de Universität Lund un sloot sien Studium 1911 mit den Doktertitel över Magnetische Feldmessung af. Nahdem he all van 1907 bit 1911 as Assistent vun Perfesser Johannes Rydberg arbeit harr, wurr he nah sien Promotschoon Dozent un 1915 Assistenzperfesser. Nah den Dood vun Rydberg 1919 wurr Siegbahn Perfesser un övernehm den Lehrstohl vun Rydberg. 1923 is Siegbahn an de Universität Uppsala wesselt un wurr 1937 to'n Forschensperfesser vun de Königlich Sweedsche Akademie vun de Wetenschapen nömmt. Tüschen 1938 un 1947 weer he Präsident vun de International Union of Pure and Applied Physics (IUPAP).
Manne Siegbahn hett 1914 Karin Högbom heiraadt un harr mit hörn twee Söhns. Bo (1915-2008) gung in den diplomatschen Deenst un weer ünner annern Botschopper in Marokko, Kai (1918–2007), as sien Vader ok Physiker, kreeg 1981 ebenfalls den Nobelpries.
Wark
ännernNahdem sück Siegbahn van 1908 bit 1912 mit Problemen vun de Elektrizität un de Magnetismus befaat harr, hett sück sien Interesse in de Folgezeit de Röntgenspektroskopie towendt. Sien Verbetern in Upbau un Methodik vun de Experimente hemm to en düütlich Stiegern vun de Meetnauigkeit un tosommen mit de to glieker Tiet entwickelten Quantenmechanik to en vullständig Verständnis vun den Schalenupbau vun de Atome führt. He hett sien Ergevnisse in dat 1923 tutkommen Book Spektroskopie der Röntgenstrahlen tosommenfaat, en Klassiker vun de wetenschaplich Literatur. He wurr 1924 mit den Nobelpries för Physik „för sien röntgenspektroskopischen Opdecken un Forschungen“ uttekent.
Nah sein Wessel an de Akademie hett he deren Aktivitäten up de Karnphysik utricht un hett den Bau vun en Zyklotron to dat Beschleunigung vun Deuteronen, en Hochspannungsgenerator, mehrere nee Typen vun β-Spektrometern un en Elektronenmikroskop up den Weg brocht. Mit disse Utrüsten nehm dat Institut en führen Rull in de Erforschung vun den Atomkarn un de radioaktiven Strahlungsperzesse in.
Utteknungen
ännern1924 kreeg Siegbahn den Nobelpries för Physik. 1934 kreeg he de Hughes-Medaille, 1940 de Rumford-Medaille vun de Royal Society, in de he 1954 as „Foreign Member“ wählt wurr.[1] 1948 wurr he mit de Duddell-Medaille vun de Physical Society of London uttekent.
