Mantel (Weekdeerter)

Mantel oder Pallium warrt de Ruggensiete vun dat Lief bi Weekdeerter (Mollusca) nömmt. Dor warrt de „Mantelhöhle“ mit billt, de en Reeg vun Upgaven in de allerhand Klassen vun de Weekdeerter overnehmen kann. So kann se as Atenhöhle bruukt weern, wo de Kemen bi Waterdeerter oder dat „Lungenfeld“ bi Deerter, de an'e Luft atent, in sitten doot (de „Lungenhöhl“, as bi Lungensniggen). Bi Schillenweekdeerter (Conchifera), as Sniggen mit Huus, Musseln, Kahnfööt un Koppfööt mit Huus (as hüdigendas noch de Parlboote), scheedt de Mantel de Kalkschillen mit ehre dree Lagen ut.

Bi de Landlungensnigge Indrella ampulla is de Mantel creme-farvt un kickt deelwiese ut dat Huus unnerrut. Kopp un Foot sünd rood.