Manuel Neuer

Manuel Neuer (* 27. März 1986 in Gelsenkiärken) is en düütsch Footballspeler. He is Doorhöder un steiht af de Saison 2011/12 bi FC Bayern München ünner Verdrag.

Karriere

Vereen

Neuer, de siet 1991 för den FC Schalke 04 speelt, is sämtlich Jöögdmannschapen vun den Club dörloopen. 2005 sloot he en Profiverdrag af, de noch bit 2012 Gültigkeit harr. Sien eerst Bundsligaspeel hett he an 19. August 2006 makt, un hett dorbi den nich mehr good bi den Trainer Mirko Slomka ansehn Frank Rost ersett. To de Saison 2011/2011 hett he denn en Verdrag över 5 Johr bi FC Bayern München afslooten.

Nationalmannschap

2006 hett he all sien eerst Speel för de U-21-Natschonalmannschap makt, dor harr he noch gar kien Bundsligaspeel makt.

Enn’ August 2007 hett hüm de DFB eerstmals – as veerten Doorhöder neben Jens Lehmann, Timo Hildebrand un Robert Enke – to’n Fitnesstest vun de Düütsch Natschonalmannschap inladen.

An’ 2. Juni 2009 keem he denn to sien eerst Länderspeel. För de Football-Weltmeesterschap 2010 weer he eegentlich blots as Ersatz vörsehn, aber nahdem sück Robert Enke sülvst umbrocht, un Rene Adler sück verletzt harr, kunn he sück tegen Tim Wiese as eerst Doorhöder dörsetten.

Weblenken

Manuel Neuer. Mehr Biller, Videos oder Audiodateien to’t Thema gifft dat bi Wikimedia Commons.

• Manuel Neuers Webpräsenz
• Schalker aus dem königsblauen Bilderbuch Portrait in de FAZ, 3. Februar 2007
• Neuer in de Katlog vun de Deutsche Nationalbibliothek