Marat Anatoljewitsch Makarow

Marat Anatoljewitsch Makarow (russisch: Марат Анатольевич Макаров; bi den Weltschachverband FIDE Marat Makarov; * 7. Mai 1963) is en russisch Schachspeler un -trainer.

Werdegang

1982 kreeg Makarow den Titel vun e natschonalen Meester tospraaken. In dat Vörjohr gelung hüm de Sieg bi de Jöögdmeesterschap vun de RSFSR. 1991 wurr he weer spoodriek, indem he nah en Extra-Turnier de russisch Eenzelmeesterschap 1990 winnen kunn un dorbi Wladimir Kramnik un Maxim Sorokin um en half Punkt distanzeeren kunn.

1991 wurr he Internatschonaler Meester, siet 1993 drocht he den Titel Grootmeester. Makarow he sien Speelstärke dör ordentlich Resultate up internatschonalen Turnieren: 1. Platz in Aranđelovac (1993), 1. Platz bi dat White Nights Festival in Sankt Petersburg (2002, deelt mit Pawel Anissimow), 3. Platz bi dat Petrovskaya Ladya Festival in Peterhof (2007). 1998 nehm he mit de dart russisch Utwahl an de Schacholympiade in Elista deel.^[1]

Mit den NGSK-Team ut Nowosibirsk, to den neben hüm Speler as Anatoli Waisser un Gennadij Timoščenko hörrn, wunn Makarow 1988 de eerste sowjeetsch Mannschapsmeesterschap in Nabereschnyje Tschelny. 1995 wunn he mit Nowaja Sibir bi de russisch Mannschapsmeesterschap in Kasan. Wiederhen speel he Vereensschach för FINEC (Sankt Petersburg), Transsib (Nowosibirsk) un Sibir (Tomsk).^[2]

Makarow hett völ Johren in Omsk un Nowosibirsk verbrocht, siet etwa 2007 is he in Sankt Petersburg ansässig. In dat sülvig Johr deel he sück den 1.-3. Platz bi de Sankt Petersburger Stadtmeesterschap un wurr wegen de betere Fienwertung to’n Sieger verklort. He is aktuell as Trainer un Vörsitter vun de Disziplinarkommission in‘ örtlichen Schachverband tätig. To de vun hüm betrüet Spelern tellen Julija Djomina, Nikita Witjugow, Ildar Chairullin, Jekaterina Korbut un Anastassija Bodnaruk.

Sie bitlang hööchste ELO-Tall weer 2560 in‘ Juli 1996.

Böker

Makarov, Marat, J. Demina and Soloviev S. 2007. The endgame. Sofia, Bulgaria: Chess Stars. (engelsch)

Weblenken

FIDE-Koort
Partien vun Marat Makarow up chessgames.com (engelsch)

Enkeld Nahwiesen

↑ Ergevnisse vun Marat Makarow bi Schacholympiaden up olimpbase.org (engelsch)
↑ Ergevnisse vun Marat Makarow in de russisch Mannschapsmeesterschap up olimpbase.org (engelsch)

[1] Ergevnisse vun Marat Makarow bi Schacholympiaden up olimpbase.org (engelsch)

[2] Ergevnisse vun Marat Makarow in de russisch Mannschapsmeesterschap up olimpbase.org (engelsch)

[1]

[2]