Marc-Louis Arlaud

Marc-Louis Arlaud (* 26. September 1772 in Orbe in den Kanton Waadt; † 1. Mai 1845 in Lausanne) weer en Swiezer Porträtmaler.

Porträt vun de Familie vun den Maler

Boren as Söhn vun Theodore un Suzanne borene Tallichet, kreeg Arlaud den eersten Malünnerricht bi sien Cousins, den Miniaturmalern Louis Ami Arlaud-Jurine un Jérémie Arlaud in Genf.

Arlaud keem 1797 nah Paris, wo he in dat Studio vun den Miniaturisten Antoine Louis Romanet arbeiten dee, dornah wurr he 1799 Schöler vun Jacques-Louis David.

Wegen en Gedankenverbreken gegen dat Napoleon-Regime musst he 1811 Frankriek verlaaten. In Lausanne hett he denn en Studio apen maakt un geev Tekenünnerricht.

An’ 18. Mai 1821 wurr in Lausanne en Tekenschool grünnd. An’ 10. Dezember 1822 wurr Arlaud to’n Direkter vun de School beropen, wat he sien Leven lang bleev.

Arlaud hett 34.000 Franken för de Errichten vun en städisch Museum vun de billen Künst geven. Dat an’ 1. Januar 1841 apen maakt Museum drocht nu sien Naam.

Marc-Louis Arlaud weer Liddmaat vun de Freemüerer.

Weblinks

Marc-Louis Arlaud. Mehr Biller, Videos oder Audiodateien to’t Thema gifft dat bi Wikimedia Commons.

• Historsch Lexikon vun de Swiez
• Swiezer Institut för Kunstwetenschap

Literatur

• Émile Bonjour, Le musée Arlaud à Lausanne 1841-1904 : Son fondateur, Marc-Louis Arlaud - Ses bienfaiteurs - Son histoire - Son avenir - Charles Gleyre et le canton de Vaud. Lausanne : Impr. Georges Bridel & Cie, 1905.