Marco Girnth
Marco Girnth (* 10. Februar 1970 in Düsseldörp) is en düütsch Schauspeler.
Girnth studeer nah Abitur un Zivildeenst in Köln Juristeree; dat Studium hett he mit dat eerste Staatsexamen afsloten. Noch to sien Schooltied in Neuss weer he all Komparse un harr Nebenrullen in verscheeden Fernsehprodukschonen. 1995 hett hüm dat Kölner Arbeitsamt en Komparsenrull bi de RTL-Feernsehreeg Unter Uns, twee Maand later wurr hüm de Rull as Sven Rusinek in de Serie anboden, de he denn bit 1997 speelt hett.
Dornah speel he Rullen in de Feernsehserien (Gegen den Wind, Die Strandclique, Das Traumschiff, Berlin, Berlin) un tallriek Rullen in Feernsehfilmen (so as t.B. Abgrund-eine Stadt stürzt ein). Siet 2001 is he in de Krimireeg SOKO Leipzig as Kriminalböverkommissar Jan Maybach in’ Insatz.
För de Dorstellung vun Max in Günter Knarrs Holgi kreeg Girnth in dat Johr 2000 den Max-Ophüls-Pries as best Nahwuss-Schauspeler. Girnth is siet August 1998 mit de Schauspelerin Katja Woywood verheiraadt. Dat Paar hett en Söhn.
Filmografie (Utwahl)
ännern| Johr | Titel |
|---|---|
| 1997 | First Love – Die große Liebe, Feernsehreeg |
| 1998 | Im Fegefeuer der Lust, Feernsehn |
| 1999 | Hamburg – Stadt in Angst, Feernsehn |
| 1998-99 | Gegen den Wind, Feernsehnreeg |
| 2000 | Holgi |
| 2002 | Liebe ist die halbe Miete, Feernsehn |
| 1999-2002 | Die Strandclique, Feernsehreeg |
| 2002 | Wen küsst die Braut?, Feernsehn |
| 2004 | Ein Mann für den 13ten, Feernsehn |
| 2005 | Der Mann, den Frauen wollen, Feernsehn |
| 2007 | War ich gut?, Feernsehn |
| 2007 | Wie verführ’ ich meinen Ehemann, Feernsehn |
| 2008 | Der Abgrund – Eine Stadt stürzt ein, Feernsehn |
| 2008 | Man liebt sich immer zweimal, Feernsehn |
| 2010 | London, Liebe, Taubenschlag, Feernsehn |
| 2011 | World Express – Atemlos durch Mexiko, Feernsehn |
| 2016 | Marie räumt auf, Feernsehn |
| 2012-18 | Frühling, Feernsehreeg |
| 2001-18 | SOKO Leipzig, Feernsehreeg |
Weblenken
ännern- Marco Girnth in de Internet Movie Database (engelsch)