Marinus I. (mitünner falsch ok Martin II. nömmt; * in Gallese; † 15. Mai 884 in Rom) weer van 882 bit to sien Dood Paapst.

Marinus weer de Söhn vun en Preester mit Naam Palumbo ut Umbrien. Vör sien Wahl to'n Paapst weer he Bischop vun Cerveteri. He weer de eerste Pontifex, de tovör Bischop vun en annern Stadt as Rom ween weer. De Wessel vun en Bischopsseet up en annern, de so nömmt Translatschoon, weer nah dormals gellen kanonisch Recht blots in selten Utnahmefällen tolaaten. So harrn vör Marinus in de Regel blots Diakone vun dat Bisdom Rom den Paapstthron besteegen.

In sien kört Pontifikat hett Marinus de versöhnliche Politik vun sien Vörgänger Johannes VIII. gegenöver Photios I., den Patriarchen vun Konstantinopel beend, un hett 882 noch mal de sien Exkommunikatschoon bestätigt. Marinus I. hett fiev Kardinäle ernennt, dorünner de lateren Paapsten Hadrian III. un Stephan V. Buterdem hett he den vun Johannes VIII. afsetten Bischop vun Porto, den lateren Paapst Formosus, weer in sien Amt insett.

LiteraturBearbeiten

  • Klaus Herbers: Marinus I. In: Biographisch-Bibliographisches Kirchenlexikon (BBKL). Band 5, Bautz, Herzberg 1993, ISBN 3-88309-043-3, Sp. 827–828.

WeblenkenBearbeiten

  Marinus I.. Mehr Biller, Videos oder Audiodateien to’t Thema gifft dat bi Wikimedia Commons.
Vörgänger Amt Nafolger
Johannes VIII. Paapst
882 - 884
Hadrian III.