Marinus II.

Marinus II. (in't late Middelöller kreeg he verkehrterwiese ok den Naam Martin III.), weer Paapst vun'n 30. Oktober 942 bit to'n Mai 946.

He stamm vun Rom her un weer woll Kardinalpreester vun San Ciriaco, ehr he dat Paapstamt övernehm. He is dormols in de Stadt Rom to'n Paapst maakt wurrn vun Alberich II., de to de Tiet in Rom dat Seggen harrt hett. Ohn em konn he rein gor nix maken.

Sünnerlich wichtige Saken sünd in siene Tiet nich passeert. Bloß, dat 946 he den Arzbischop vun Mainz to'n Apostoolschen Vikar maakt hett, hett denn doch en Rull speelt. Düsse Arzbischop weer dormols Frederik vun Mainz. Bloß acht echte Urkunnen sünd vun em nableven. Dor güng dat jedetmol üm Besitt vun Karken un Kloosters in Italien, den he toseggt hett.

Vörgänger	Amt	Nafolger
Stephan VIII.	Paapst 942 - 946	Agapitus II.