Mark Frankel
Mark David Frankel (* 13. Juni 1962 in London, England; † 24. September 1996 ok dor) weer en britisch Film- un Theaterschauspeler.
Leven
ännernMark Frankel weer de jüngste vun twee Söhns vun David Frankel, en Pilot vun de Royal Air Force, un de sien Fru Grace. He hett en klassisch Schauspeelutbillen an de Webber Douglas Academy of Dramatic Art maakt. In eenig in London upführt Stücken weer Frankel as Bühnenschauspeeler tätig.
1991 harr Frankel sien Filmdebüt in de Filmbiografie Die junge Katharina, in de he Grigori Grigorjewitsch Orlow dorstellen dee. In dat sülvig Johr stunn he in Michelangelo – Genie und Leidenschaft as Michelangelo vör de Kamera.
Tüschen 1993 un 1996 speel he in de britisch Feernsehserien Sisters (17 Episoden) un Fortune Hunter (14 Episoden) mit.
1996 weer he Hööftdorsteller vun de TV-Serie Embraced – Clan der Vampire. Dornah stunn he in de Filmkummedie Roseanna’s Grave letztmalig vör de Kamera.
He weer af 1991 mit de gebortig Französin Caroline Besson, en Marketingspezialistin, verheiraadt. Hör eerst Söhn Fabien wurr 1994, hör tweet Söhn Max 1996, wenig Maand nah den Dood vun den Vader, boren.
Mark Frankel is an' 24. September 1996 in' Westen vun de britisch Hööftstadt up sien Harley-Davidson verunglückt un to Dood kommen. He wurr blots 34 Johr olt.
Filmrullen (Utwahl)
ännern| Johr | Titel | Synchroonsnacker |
|---|---|---|
| 1991 | Young Catherine dt.: Die junge Katharina |
Kai Taschner |
| 1991 | A Season of Giants dt.: Michelangelo – Genie und Leidenschaft |
Torsten Bauer |
| 1992 | Leon the Pig Farmer | |
| 1995 | Solitaire for 2 dt.: Zwei Singles machen noch kein Paar |
Nicolas Böll |
| 1996 | Roseanna’s Grave dt.: Rosannas letzter Wille |
Charles Rettinghaus |
Weblenken
ännern- Mark Frankel in de Internet Movie Database (engelsch)
- In Memoriam
- Fan-Site
- DNB-Katalog