Martin Weinek
Martin Weinek (* 30. Juni 1964 in Leoben, Steiermark) is en öösterrieksch Theater- un Filmschauspeler un Speelbaas. He speelt de Rull vun de Inspektor Kunz in de Feernsehreeg Kommissar Rex .
Weinek hett van 1983 bit 1986 sien Schauspeelstudium bi Peter Jost afsolveert.
Af 1986 arbeidt he toeerst in de Theater Grupp 80 in Wien un kreeg sien eerste lütt Filmrull in „Nachsaison“, wo he en Liftboy spelen dee.
In dat Johr 1987 spell he bi de Ruhrfestspielen Riäkelhusen ünner de Regie vun Georg Mittendrein in „Der Lechner Edi schaut ins Paradies“ un in de Film „Müllomania“ ünner de Regie von Dieter Berner, in de he en Müllmann speelt hett. Dornah harr he en Engagement an dat Jura Soyfertheater Wien (1988-1989) as ok Engagements an anner Theaterbühnen; dorneben weer Martin Weinek aber ok Speelbaas, Dramaturg un Produzent. Van 1990 bit 1991 weer he künstlerisch Leeder vun dat Hernalser Stadttheater.
Tüschendör weer Weinek immer weer bi Film un Fernsehen tätig; to’n Bispeel 1989 in de sössdeelig Feernsehreeg „Calafati Joe“.
Tosommen mit sien Fru Eva, de nah hör Studium vun de Theaterwetenschapen eerst as Dramaturgin arbeidt hett, is he neben de Schauspeleree ok Wienbuer. De beid sünd 1993 as Hobbywinzer anfungen un bedrieft bi Heiligenbrunn dre Hektar Wiengorden.
Film un Fernsehen (Utwahl)
ännern| Johr | Titel |
|---|---|
| 1999-2004, 2008- | Kommissar Rex, Feernsehreeg |
| 2005 | Hengstparade, Feernsehn |
| 2008 | Die Alpenklinik – Aus heiterem Himmel, Feernsehn |
| 2010 | Todespolka |
| 2011 | Die Tänzerin – Lebe Deinen Traum |
| 2012 | 1805 – A Town’s Tale |
| 2014 | Die Seelen im Feuer, Feernsehn |
